શ્રાવણ માસ શરૂ થઈ ગયો છે, ત્યારે ઘણા લોકો શ્રાવણ માસમાં વ્રત કરતા હોય છે, તમે ફરાળ માટે યુનિક રેસીપી શોધી રહ્યા હોવ તો તમે ફરાળી બટાકાની ચાટ બનાવી શકો છો.
બાફેલા બટેટા, તેલ, જીરું, લીલું મરચું, આદુ, મીઠા લીમડાના પાન, ધાણાજીરું પાવડર, કાળી મરી પાવડર, સેંધા નમક, કોથમરી, શીંગદાણા.
સૌ પ્રથમ એક કૂકરમાં બટેટા બાફી તેની છાલ ઉતારી લો અને લીલા મરચા-આદુને ઝીણા સમારી લો.
હવે એક પેનમાં તેલ ગરમ કરી તેમાં જીરું, લીલા મરચા-આદું,મીઠા લીમડાના પાન ઉમેરીને સાંતળી લો.
હવે તેમાં બાફેલા બટેટાના ટુકડા, સેંધા નમક, ધાણાજીરું પાવડર, કાળા મરી પાવડર ઉમેરીને મિક્સ કરી લો.
હવે તેમાં શેકેલા શીંગદાણા, કોથમરી ગાર્નિશ કરી લો.
તૈયાર છે ફરાળી બટેટાની ચાટ, તમે સર્વ કરી શકો છો.
રેસીપી ગમે તો લાઈક-શેર કરજો અને આવી વધુ રેસીપી માટે ગુજરાતી જાગરણ વાંચતા રહો.