ચીન અને વિયતનામ જેવા દેશોમાંથી જૂન,2023માં ભારતે 4.84 લાખ ટન સ્ટીલની આયાત કરી હતી. સ્ટીલ મંત્રાલયની માહિતી પ્રમાણે સ્ટીલની આયાત માસિક ધોરણે જૂનમાં 5.9 ટકા અને જૂન,2022ની તુલનામાં 7.6 ટકા વધી છે.
ભારતની સ્ટીલની આયાતમાં ચીન, જાપાન, વિયતનામ, સાઉદી અરબ, રશિયા, નેપાળ તથા અમેરિકાની હિસ્સેદારી ગયા વર્ષના જૂન મહિનાની તુલનામાં વધી છે.
જૂન, 2022માં સ્ટીલની આયાતમાં ચીનનો હિસ્સો 26.1 ટકા અને વિયતનામનો હિસ્સો એક ટકા વધ્યો હતો. વર્ષ 2023માં ભારતની સ્ટીલની આયાતમાં ચીનનો હિસ્સો વધી 37.1 ટકા થયો છે.
વિયતનામનો હિસ્સો વધીને 4.8 ટકા થયો છે. ભારતે તેનુ સ્ટીલ ઉત્પાદન ક્ષમતા 30 કરોડ ટન પહોંચાડવાનો મહત્વકાંક્ષી લક્ષ્યાંક છે. ભારતની તૈયાર સ્ટીલ નિકાસ મે મહિનાની તુલનામાં 27.6 ટકા ઘટી 5.02 લાખ ટન રહી છે.