સમોસા ખાટી ચટણી સાથે ખાવાથી ટેસ્ટી બને છે.બજારના સમોસા સારા હોય છે,પરંતુ સ્વચ્છતા પ્રમાણે ઘરમાં બનેલા સમોસા વધુ સારા હોય છે,સમોસા બાનાવવાની સ્ટેપ બાય સ્ટેપ રીત જાણો.
1-2 કિલો બટાકા, 1-2 કિલો મેંદાનો લોટ,તેલ જરૂર મુજબ,અજમો- અડધી ચમચી,મીઠું સ્વાદ મુજબ,જીરું - 1 ચમચી,હળદર અડધી ચમચી,લીલા મરચા 3 સમારેલ, આદુની પેસ્ટ -2 ચમચી,ધાણા-જીરું પાવડર 1-2 ચમચી,કાળા મરી પાવડર- અડધી ચમચી, ગરમ મસાલો- 1 ચમચી,કોથમીર 2 ચમચી સમારેલ,કાજુ-કિસમિસ 2 ચમચી.
સૌથી પહેલા એક બાઉલમાં મેંદાનો લોટ, ઘી અથવા તેલ 2 ચમચી,મીઠું,અજમો,પાણી નાખીને કઠણ લોટ બાંધી લો અને તેને 10 મિનિટ સેટ થવા દો.
બટાકાને કૂકરમાં બાફીને તેની છાલ કાઢીને છુંદો કરી લો.એક પેનમાં જરૂર મુજબ તેલ નાખીને ગરમ કરો.
જ્યારે તેલ ગરમ થઈ જાય પછી તેમાં જીરું, લીલા મરચાનું કટિંગ,આદુ-લસણની પેસ્ટના સાથે બીજા મસાલા અને કાજુ-કિસમિસ નાખ્યા પછી બટાકાનો છુંદો નાખીને સારી રીતે મિક્સ કરી લો.
જ્યારે બટાકા ઓછા ગોલ્ડ કલરના થાય ત્યારે તેમાં કોથમીર નાખીને ઠંડુ થવા દો.સમોસા માટે બટાકાનો મસાલો તૈયાર છે.
હવે લોટમાંથી નાના નાના બોલ બનાવો પછી તેને સમોસા આકારમાં વણી તેમાં બટાકાનો મસાલો ભરીને પ્લેટમાં રાખો.
એક મોટી કડાઈમાં તેલ ગરમ કરો અને ફુલ ગરમ તેલમાં બધા સમોસાને નાખીને લાઈટ બ્રાઉન થાય ત્યાં સુઘી તળી લો.
લો તમારા ક્રિસ્પી સમોસા તૈયાર છે, તેમે તેને લીલી ચટણી અને લાલ ચટણી સાથે ગરમાગરમ સર્વ કરી શકો છો.
જો તમને રેસીપી ગમી હોય તો લાઈક શેર કરો અને આવી વધુ રેસીપી માટે ગુજરાતી જાગરણ વાંચતા રહો.