રિતેશ અને જેનેલિયાની ફેવરિટ હેલ્ધી થેચા રેસીપી: ઘરે બનાવાની સરળ રીત નોંધી લો

થેચા, મહારાષ્ટ્રની એક ટ્રેડીશનલ ડીશ છે. આ વિટામિન C અને એન્ટીઑકિસડન્ટથી થી ભરપુર ડીશને માત્ર 5 સરળ સ્ટેપથી ઘરે જ બનાવી શકાય છે. આવો જાણીએ વધુમાં

રીતેશ અને જેનેલિયા

બોલીવુડના લોકપ્રિય કપલ રિતેશ દેશમુખ અને જેનેલિયા ડી'સૂઝા અનેકવાર પોતાના મરાઠી સ્ટાઇલના ખોરાક વિશે વાત કરે છે. કર્લી ટેલ્સ સાથેના એક ઇન્ટરવ્યુમાં તેમણે આ ડીશની રેસીપી વિશે જણાવ્યુ હતું.

જરૂરી સામગ્રી

આ આરોગ્યદાયક મહારાષ્ટ્રીયન થેચા બનાવવા માટે તમારે જરૂર પડશે: 8-10 લીલાં મરચાં, 8-10 લસણના કળી, 1/4 કપ શેકેલી મગફળી, 1 ચમચી જીરુ, 1 ચમચી તેલ અને સ્વાદ મુજબ મીઠું.

શેકી લો

સૌથી પહેલા, એક હેવી બોટમ પેનમાં 1 ચમચી તેલ ગરમ કરો અને તેમાં મરચાં અને લસણને 5-6 મિનિટ સુધી શેકી લો, જેથી તે સુગંધિત અને મીઠાં બની જાય.

જીરુ શેકવું

મરચાં અને લસણ શેકાઈ જાય એટલે તેને એક બાઉલમાં કાઢી લો અને ત્યારબાદ, તે જ પેનમાં 1 ચમચી જીરુ શેકી લો.

ક્રશ કરો

હવે, મોર્ટાર અને પેસ્ટલમાં શેકેલી મગફળી, મરચાં, લસણ અને જીરું ઉમેરો. પછી, તેમને મળીને એક જાડું પેસ્ટ બનાવો, જે થેચાનું મેઇન ઇન્ગ્રીડ્યન્ટ છે

મીઠું ઉમેરો

તમારા સ્વાદ પ્રમાણે મીઠું ઉમેરો અને પેસ્ટને સારી રીતે મિક્સ કરો, જેથી બધા ઘટકો એકસમાન રીતે મિકસ થઈ જાય.

સર્વ કરી એન્જોય કરો

આ લીલાં મરચાં અને લસણથી ભરપૂર મહારાષ્ટ્રીયન થેચા તૈયાર છે. તેને ભાત ભાખરી અથવા રોટલી,સાથે પીરસો અને સ્વાદ માણો.

થેચાનું પોષણ મૂલ્ય

આ વાનગીમાં ફાઇબર અને એન્ટીઑકિસડન્ટ્સની વધારે માત્રા હોય છે, અને તેમાં ચરબી અને કેલરીઓ ઓછી હોય છે.