વધતા ક્રુડ ઓઈલની કિંમતો અને જુલાઈ-સપ્ટેમ્બર ત્રિમાસિક ગાળામાં સુસ્ત ટ્રાફિકને લીધે લિસ્ટેડ વિમાની કંપનીઓના નફાને લઈ ચિંતા વધી રહી છે.
ઈંધણની કિંમતોને લીધે હવે ઉડ્ડયન સેક્ટરની કંપનીઓના ખર્ચમાં વધારો થવા જઈ રહ્યો છે.જેને લીધે કંપનીઓના શેર તેની ઉચ્ચ સપાટીથી 11 ટકા ગગડી ચુક્યા છે.
ક્રુડ ઓઈલની કિંમત જુલાઈની શરૂઆતથી 18 ટકા વધી ચુકી છે અને નાણાકીય વર્ષના બીજા ત્રિમાસિક ગાળામાં વિમાન કંપનીઓની ઈંધણ ખર્ચ વધવાનો અંદજ છે.
OMCએ વિમાનના ઈંધણ એટલે કે ATFની કિંમત 1લી સપ્ટેમ્બરના રોજ 14.1 ટકા વધારી છે. સતત ત્રીજી વખત કિંમતમાં વધારો અને આ સાથે જ 1 જૂનથી અત્યાર સુધીમાં ઓઈલની કિંમતોમાં 26 ટકા વધારો થયો છે.