બટાકા અને મેથીનાં અલગ અલગ સ્વાદ એકબીજા સાથે મળીને શાકને સ્વાદિષ્ટ તો બનાવે જ છે સાથે સાથે મસાલાથી તેમાં વધારે સ્વાદ આવે છે.
સમારેલી લીલી મેથી 2-3 કપ, સમારેલા બટાકા, તેલ 2-3 ચમચી,જીરું 1/2 ચમચી,હળદર: 1/4 ચમચી, લાલ મરચું પાઉડર 1/2 - 1 ચમચી, ધાણાજીરું 1 ચમચી, મીઠું સ્વાદ મુજબ.
સૌ પ્રથમ સમારેલી મેથીને પાણીથી ધોઈ લો અને પછી તેને ચારણીમાં નાખીને વધારાનું પાણી નિતારી લો અને બાજુમાં મૂકી દો.
એક કડાઈમાં તેલ ગરમ કરો. તેલ ગરમ થાય એટલે તેમાં જીરું ઉમેરો. જીરું તતડે એટલે સમારેલા બટાકા ઉમેરી મિક્સ કરો.
બટાકામાં થોડું મીઠું અને 2 ટેબલસ્પૂન પાણી ઉમેરી ઢાંકી દો. બટાકા નરમ થાય ત્યાં સુધી (આશરે 7-8 મિનિટ) ધીમા તાપે ચડવા દો. વચ્ચે-વચ્ચે હલાવતા રહો.
બટાકા ચડી જાય પછી ઢાંકણ ખોલી હળદર, લાલ મરચું પાવડર, ધાણાજીરું અને સ્વાદ મુજબ મીઠું ઉમેરી બરાબર મિક્સ કરો.
હવે સમારેલી લીલી મેથી ઉમેરો અને બધું બરાબર મિક્સ કરો. મેથીમાંથી પાણી છૂટશે, તેને બળી જાય અને શાક સુકું થઈ જાય ત્યાં સુધી (લગભગ 5-7 મિનિટ) પકાવો.
ગરમાગરમ મેથી બટાકાનું શાક રોટલી, ભાખરી કે પરાઠા સાથે પીરસો.
અનવની રેસીપી માટે ગુજરાતી જાગરણ વાંચતા રહો.