આ એક મસાલેદાર રેસીપી છે, તમને શિયાળામાં તીખું અને મસાલેદાર ચટપટું ખાવાનું મન થાય તો, તમે ઘરે છોલે ભટુરે રેસીપી અજમાવી શકો છો, જાણી લો સરળ રેસીપી.
ચણા,ડુંગળી,ટામેટા,આદુ,લસણ,લીલું મરચું,તમાલપત્ર,મીઠો લીમડો, એલચી,લવિંગ,તજ,કાળા મરી,સ્વાદ મુજબ મીઠું,લાલ મરચું પાવડર,ધાણા જીરું પાવડર,ચણા મસાલો,ગરમ મસાલો,આખું જીરું,હીગ, કસુરી મેથી,તેલ.
ઘઉંનો લોટ,સોજી,બેકિંગ સોડા,દહીં,તેલ,ખાંડ,સ્વાદ મુજબ મીઠું,કોથમીર.
સૌ પ્રથમ ચણાને 5 થી 6 કલાક પલાળી રાખો. હવે કૂકરમાં પાણી ગરમ કરીને તેમાં ચણા અને જણાવેલ તમામ મસાલા અને સમારેલી ડુંગળી,લસણ-આદુ, સ્વાદ મુજબ મીઠું નાખીને 5 થી 6 સીટી પકાવો.
હવે એક બાઉલમાં ભટુરા માટે લોટ,દહીં,મીઠું,બેકિંગ સોડા,ખાંડ અને તલ નાખીને બરાબર મિક્સ કરો અને થોડું પાણી ઉમેરી નરમ લોટ બાંધી લો.
હવે એક કડાઈમાં તેલ ગરમ કરો અને પછી તેમાં હિંગ,જીરું,ચણા મસાલો,ગરમ મસાલો,મરચું પાવડર,ધાણા પાવડર,જીરું પાવડર નાખીને સાંતળી લો પછી તેમાં ટામેટાની પેસ્ટ,સમારેલા લીલા મરચા અને ચણા ઉમેરીને સારી રીતે પકાવી લો.
હવે તૈયાર કરેલ લોટમાંથી નાના ભટુરા બનાવો અને એક કડાઈમાં તેલ ગરમ કરીને બ્રાઉન થાય ત્યાં સુધી ભટુરા તળી લો.
હવે છોલેના શાકમાં સમારેલી કોથમીર ગાર્નિશ કરીને તેને પ્લેટમાં કાઢીને સર્વ કરો
રેસીપી ગમે તો લાઈક-શેર કરો અને આવી વધુ રેસીપી માટે ગુજરાતી જાગરણ વાંચતા રહો.