મોટાભાગના ઘરોમાં દીકરીઓને બીજાનો ખ્યાલ રાખવાનું શીખવવામાં આવે છે. જો કે જણાવી દઈએ કે, દીકરીઓને સૌ પ્રથમ પોતાનો ખ્યાલ રાખવાનું શિખવવું જોઈએ. જે તેમની હેલ્થ માટે પણ આવશ્યક છે.
દીકરીઓને ખાસ કરીને આત્મનિર્ભર બનાવવાનો પ્રયત્ન કરો. તેમને તેમના સમ્માનની રક્ષા કરતા શીખવો. સમાજમાં માન જાળવી રાખે માટે આત્મનિર્ભર હોવું જરૂરી છે, તે સમજાવો.
દીકરીઓને તેમના પોતાના નિર્ણય લેવાનો અધિકાર આપો. દર વખતે પરાણે કોઈ કામ ના કરાવશો. હા જો દીકરીઓ કોઈ ખોટું પગલું ભરતી હોય, તો તેમને જરૂર રોકવી જોઈએ.
દીકરીઓને ખોટા પગલા, અનિવાર્ય સંજોગ અને ખોટા શબ્દો વગેરેથી લડતા શીખવો. દીકરીઓને ખુદના આત્મસમ્માનની કદર કરતા શીખવવું જોઈએ.
દીકરીઓને દર વખતે હાં પાડવી જરૂરી નથી, જે બાબતમાં તેમને રસ ના હોય, તો તેમને ના પાડતા પણ શીખવો. જેથી તેઓ જલ્દી આત્મવિશ્વાસી બનશે.
મોટાભાગની મહિલાઓ પોતાના પતિ પર નિર્ભર રહે છે અને પોતાની આઝાદી તેમને સોંપી દેતી હોય છે, જો આવું ના કરશો. દીકરીઓને આઝાદ રહેતા અને પોતાનો માર્ગ ખુદ કંડારતા શીખવો.
સમયની કિંમત દીકરીઓને જરૂર સમજાવો. સમયસય યોગ્ય નિર્ણય લેવા અને ખરા-ખોટાની સમજ ખૂબ જ જરૂરી છે.