પુરી મોટાભાગે કોઈપણ તહેવાર અથવા ખાસ પ્રસંગોએ બનાવવામાં આવતી હોય છે. તમે વિવિધ પ્રકારની પુરીઓ બનાવીને આ પ્રસંગોને વધુ ખાસ બનાવી શકો છો, તો આજે આપણે પાલકની પુરી બનાવીશું.
ઘઉંનો લોટ, પાલક, પુરી તળવા માટે તેલ, લીલા મરચાં, આદુ, સ્વાદ મુજબ મીઠું, જીરું, હિંગ.
પાલકના પાન તોડીને સારી રીતે ધોઈ લો અને પછી પાલકના પાન આદુ અને લીલા મરચાને મિક્સરમાં નાખીને પીસીને પેસ્ટ તૈયાર કરો.
હવે એક બાઉલમાં લોટ,પાલકની પેસ્ટ,મીઠું,જીરું,હિંગ અને તેલ ઉમેરીને આ બધી સામગ્રીને સારી રીતે મિક્સ કરો અને પછી લોટમાં થોડું-થોડું પાણી ઉમેરી પુરી માટે કડક લોટ બાંધો.
હવે હાથ પર થોડું તેલ લગાવીને લોટ કુણી લો અને તેમાંથી લીંબુ જેવડા બોલ બનાવીને પુરી વણી લો,
ગેસ પર એક કડાઈમાં તેલ ગરમ કરો અને તેમાં પુરીઓને તળી લો
ક્રિસ્પી પાલક પુરી તૈયાર છે તમે તેને ચટણી, અથાણું, રાયતા અથવા તમારા મનપસંદ શાક સાથે સર્વ કરો.
રેસીપી ગમે તો લાઈક-શેર કરો અને આવી વધુ રેસીપી માટે ગુજરાતી જાગરણ વાંચતા રહો.