ભજીયાની ઘણી વેરાયટી તમે ટ્રાય કરી હશે પરંતુ શું તમે ક્યારેય પાલક-બટાકાના ભજીયા ખાધા છે, ચાલો આજે આપણે પાલક-બટાકાના ભજીયાની નવી રીત વિશે જાણીશું.
પાલકના પાન,બટાકા,ચોખાનો લોટ,ચણાનો લોટ,લીલા મરચા,આદુ,કોથમીર,મીઠું,મરચું પાવડર,નાળિયેરનું કોપરું,તલ,હળદર પાવડર,હિંગ,લીંબુનો રસ.
ટામેટા,લસણની કળી,સૂકા લાલ મરચા,આમલીના 2-3 નાના ટુકડા,મીઠું,ગોળ,તેલ.
સૌ પ્રથમ બટાકા અને પાલક ધોઈને સાફ કરી બટાકાને ખમણી લો અને પાલકને ઝીણું સમારી લો.
હવે એક બાઉલમાં પાલક-બટાકાનું ખમણ,આદુ-લસણની પેસ્ટ,મરચાના ટુકડા,કોથમરી,મીઠું,હળદર,હિંગ,મરચું પાવડર,અજમો,ધાણાજીરું,નારિયેળનું કોપરું,તલ,લીંબુનો રસ નાખો.
હવે તેમાં ચોખાનો લોટ,ચણાનો લોટ ઉમેરીને પાલક-બટાકાનું ખમણ લોટથી કોટ થાય તે રીતે મિક્સ કરી લો.
હવે એક કડાઈમાં તેલ ગરમ કરો અને બેટરમાંથી નાના નાના ભજીયા બનાવીને ક્રિસ્પી થાય ત્યાં સુધી તળી લો.
ચટણી બનાવવા માટે એક પેનમાં બે ચમચી તેલ ગરમ કરી તેમાં લસણની કળી સાંતળી તેમાં ટમેટા,મીઠું,આખા લાલ સૂકા મરચા નાખીને થોડીવાર પકાવી લો.
હવે તેમાં આમલીના ટુકડા,એક ટુકડો ગોળ ઉમેરીને મિક્સ કરી લો અને થોડી વાર માટે ઠંડુ થવા રાખો.
હવે આ મિશ્રણને એક મિક્સર જારમાં નાખો અને કોથમરી ઉમેરીને પીસી લો.
તૈયાર છે પાલક બટાકાની ક્રિસ્પી ભજીયા અને ચટપટી ચટણી, તમે તેનો આનંદ માણી શકો છો.
રેસીપી ગમે તો લાઈક-શેર કરજો અને આવી વધુ રેસીપી માટે ગુજરાતી જાગરણ વાંચતા રહો.