ભારતીય રિફાઈનર્સને રશિયા પાસેથી ઓછી કિંમતથી ઓઈલ મળવાનું ચાલું રહેશે. ઉત્પાદન ઘટાડાની ભારત પર અસર નહીં થાય કારણ કે ભારતને રશિયા પાસેથી સસ્તુ ઓઈલ મળતુ રહેશે.
ઓપેકના 13 અગ્રણી દેશો કુલ વૈશ્વિક ઓઈલની 44 ટકા હિસ્સેદારી ધરાવે છે. વર્ષ 2018ની માહિતી પ્રમાણે ઓઇલ રિઝર્વમાં 81.5 ટકા હિસ્સેદારી છે. તેમાં સાઉદી, ઈરાન, ઈરાક તથા વેનેઝુએલાનો સમાવેશ થાય છે.
ભારત માટે રશિયા સતત છઠ્ઠા મહિને માર્ચમાં સૌથી મોટો ઓઈલ સ્રોત બની રહ્યો છે. તેણે 35 ટકા પુરવઠો પૂરો પાડ્યો છે.
ભારતે માર્ચમાં રશિયા પાસેથી દૈનિક 16.4 લાખ બેરલ ઓઈલ ખરીદ્યું છે. જાન્યુઆરીમાં આયાત 14 લાખ બેરલ હતી અને ડિસેમ્બર મહિનામાં 10 લાખ બેરલ આયાત કરી હતી.