પાવભાજી દરેક લોકોને ભાવતી હોય છે, તમે બહાર જેવી જ પાવભાજી ઘરે બનાવવા માંગતા હોવ તો આ રેસીપી નોંધી લો.
તેલ, માખણ, જીરું, હિંગ, ડુંગળી-ટામેટાં, લાલ મરચું પાવડર, આદુ-લસણ-મરચાની પેસ્ટ, ટામેટાની પ્યુરી, મીઠું, હળદર, પાવ ભાજી મસાલો, ધાણાજીરું પાઉડર, કોથમરી, ગાજર, કેપ્સીકમ, કોબીજ, લીલા વટાણા, બટાકા, પાણી, લીંબુનો રસ.
સૌ પ્રથમ એક કૂકરમાં તેલ ગરમ કરી તેમાં જીરું,હિંગ,ડુંગળી ઉમેરીને સાંતળી લો.
હવે તેમાં લાલ મરચું પાવડર,આદું-લસણ-લીલા મરચાની પેસ્ટ ઉમેરીને ફ્રાય કરીને પછી તેમાં તૈયાર કરેલી પેસ્ટ અને સ્વાદ મુજબ મીઠું ઉમેરી મધ્યમ તાપ પર પકાવો.
હવે હળદર,પાવભાજી મસાલો,ધાણાજીરું ઉમેરો અને પછી તેમાં ગાજર,કેપ્સિકમ,કોબીજ,લીલા વટાણા,બટાકા ઉમેરી મિક્સ કરી થોડું પાણી નાખીને સારી રીતે પકાવો.
હવે તેમાં કોથમીર,લીંબુનો રસ નાખીને મિક્સ કરીને 2 મિનિટ માટે પકાવી લો,ભાજી તૈયાર છે.
એક તવામાં થોડું તેલ અને માખણ ઉમેરી ગરમ કરો પાવ મૂકીને બંને બાજુ સારી રીતે શેકી લો.
તૈયાર છે પરફેક્ટ ઢાબા સ્ટાઈલ પાવભાજી, તમે તેનો વરસાદી માહોલમાં ગરમા ગરમ સર્વ શકો છો.
રેસીપી ગમે તો લાઈક-શેર કરો અને આવી યુનિક રેસીપી માટે ગુજરાતી જાગરણ વાંચતા રહો.