તમે બજારમાં પીળા રંગના કેળા તો જોયા જ હશે, પરંતુ શું તમે ક્યારેય લાલ રંગના કેળા જોયા છે? તમને જણાવી દઇએ કે લાલ રંગના કેળા ઓસ્ટ્રેલિયામાં જોવા મળે છે, અને આ સ્વાસ્થ્ય માટે ખૂબ જ ગુણકારી હોય છે.
લાલ કેળામાં બીજા કેળા કરતાં વધારે માત્રામાં બીટા-કેરોટીન રહેલું હોય છે. આ બીટા-કેરોટીન આર્ટરીજમાં લોહીના ગઠ્ઠા જમા નથી થવા દેતા, સાથે આ જ આ કેન્સર અને હૃદયને લગતી બીમારીઓથી પણ બચાવે છે.
લાલ કેળામાં વિટામિન બી-6 ભરપૂર માત્રામાં રહેલું હોય છે. આ શરીરમાં હિમોગ્લોબિન વધારે છે. આ પથરીની સમસ્યાથી છુટકારો મેળવવા માટે અને પાચન શક્તિ વધારવામાં મદદ કરે છે.
લાલ કેળાના સેવનથી માણસ ડાયાબિટીસન કંટ્રોલ કરી શખે છે. લાલ કેળામાં ગ્લાઇસેમિક રિસ્પોન્સ ઓછા હોય છે, જે ડાયાબિટીસના દર્દીઓ માટે ફાયદાકારક સાબિત થાય છે.
લાલ કેળા ન્યૂટ્રિએન્ટ્સથી ભરપૂર હોય છે. એક નાના લાલ કેળામાં 90 કેલેરી હોય છે, સાથે જ તેમાં કાર્બોહાઇડ્રેટ્સ, વિટામિન બી-6, મેગ્નેશિયમ અને વિટામિન સી જેવા પોષકતત્ત્વો ઉચ્ચ માત્રામાં રહેલા હોય છે.
લાલ કેળામાં પોટેશિમય ભરપૂર હોય છે. પોટેશિયમ બ્લડ પ્રેશરને ઘટાડવામાં મદદ કરે છે. બીપીની સમસ્યામાં ખૂબ જ ફાયદાકારક હોય છે.
લાલ કેળાના સેવનથી આંખોની રોશની વધે છે. આમાં બીટા-કેરોટિનોઇડ અને વિટામિન એ રહેલા હોય છે, જે આંખોની રોશની માટે ખૂબ ફાયદાકારક હોય છે.
ઈમ્યૂનિટીને મજબૂત બનાવવા માટે આપણે ઘણા ફળોનું સેવન કરીએ છીએ. લાલ કેળામાં વિટામિન સી અને વિટામિન બી-6 ભરપૂર માત્રામાં હોય છે, આ કારણે આ ફળ ઈમ્યૂનિટી મજબૂત બનાવે છે.