અખરોટમાં વિટામિન, ફાઈબર, મેગ્નેશિયમ, એન્ટી ઓક્સિડેન્ટ, વિટામિન-ઈ સહિત અનેક પોષક તત્વો મળી આવે છે.
આ ઉપરાંત અખરોટમાં પોલીઅનસેચ્યૂરેટેડ ફેટી એસિડ મળી આવે છે. જે બેડ કોલેસ્ટ્રોલના લેવલને ઘટાડવામાં મદદ કરે છે.
શું તમે જાણો છો કે, અખરોટથી શરીરને અનેક નુક્સાન પણ થઈ શકે છે. તો ચાલો અખરોટ ખાવાથી થતાં નુક્સાન વિશે જાણીએ...
અખરોટમાં પુષ્કળ પ્રમાણમાં ફાઈબર મળી આવે છે. જે વજન ઘટાડવામાં મદદ કરે છે. વધારે અખરોટ ખાવાથી શરીર પર ઉલટી અસર પણ થઈ શકે છે અને વજન વધી પણ શકે છે.
અખરોટની તાસીર ગરમ હોય છે. જેના વધારે પડતા સેવનથી પેટમાં ગરમી થઈ શકે છે, જેનાથી અલ્સરની સમસ્યા હોઈ શકે છે.
અખરોટના વધારે સેવનથી એલર્જી થઈ શકે છે. જો તમને કોઈ પ્રકારની એલર્જી હોય તો, વધારે અખરોટના સેવનથી બચવું જોઈએ.
અખરોટમાં એવા કમ્પાઉન્ટ અને પોષક તત્વો હોય છે, જે ડાયરિયાની સમસ્યા પેદા કરી શકે છે. વધારે અખરોટનું સે્વન ડાયરિયાનું કારણ બની શકે છે.