અખરોટમાં વિટામિન, ફાઈબર, મેગ્નેશિયમ અને એન્ટીઑક્સીડેન્ટ, વિટામિન ઈ જેવા તત્વો મળી આવે છે. જે ઈમ્યુનિટી અને મેમરી વધારવામાં મદદગાર મનાય છે.
અખરોટને પ્લાન્ટ બેસ્ડ પ્રોટીનનો સારો સોર્સ મનાય છે. અખરોટને ખાવાથી પ્રોટીનની કમી દૂર કરી શકાય છે.
એવું કહેવાય છે કે, દરેક વસ્તુના ફાયદા હોવાની સાથે નુક્સાન પણ હોય જ છે. કોઈ પણ વસ્તુનો અતિરેક સ્વાસ્થ્ય માટે હાનિકારક નીવડી શકે છે.
અખરોટમાં ભરપુર ફાઈબર અને કેલરી હોય છે, જે વજન વધવાનું કારણ બની શકે છે.
જો તમને પાચન સબંધી સમસ્યા હોય, તો અખરોટનું સેવન ના કરવું જોઈએ. કારણ કે અખરોટમાં મળી આવતું ફાઈબર તમારી સમસ્યાને વધારી શકે છે.
અખરોટમાં એવા અનેક તત્વો મળી આવે છે, જે ડાયેરિયાની સમસ્યા ઉભી કરી શકે છે. અખરોટનું વધારે પડતુ સેવન ડાયેરિયાનું કારણ બની શકે છે.
અખરોટનું વધારે સેવન અલ્સરના દર્દીઓ માટે હાનિકારક નીવડી શકે છે. વધારે પ્રમાણમાં અખરોટ ખાવાથી પેટમાં ગરમી વધી જાય છે, જેના કારણે અલ્સરની સમસ્યા વકરી શકે છે.
જો તમે અસ્થમાના દર્દી હોવ, તો ભૂલથી પણ અખરોટનું સેવન ના કરશો. અખરોટનું વધારે સેવન અસ્થમાની સમસ્યા વધારી શકે છે.
અખરોટનો વધારે ઉપયોગ એલર્જીની સમસ્યા ઉભી કરી શકે છે. જો કોઈને અખરોટથી એલર્જી હોય, તો તેમણે અખરોટનું સેવન કરવાનું ટાળવું જોઈએ.