શિયાળામાં સ્વાસ્થ્યની કાળજી રાખવા માટે આપણે ટેસ્ટી અને હેલ્દી ગરમ વાનગીઓ ખાવાનું પસંદ કરતા હોઈએ છીએ, ત્યારે તમે આ રેસીપી તમારા આરોગ્ય માટે એકદમ પરફેક્ટ રેસીપી છે,તમે તેને ઘરે આ રીતે બનાવી શકો છો.
સરગવો, પાણી, હળદર, લાલ મરચું પાવડર, તલ, લીલા મરચાની પેસ્ટ, કોથમીર, મીઠં, ઘઉંનો લોટ, ઘી, તેલ વગેરે.
સૌ પ્રથમ સરગવાની છાલ ઉતારી ટુકડા કરીને પ્રેશર કૂકરમાં નાખીને પાણી ઉમેરીને બાફી લો.
બાફેલા સરગવાને મેશરની મદદથી મેશ કરીને ગરણી વડે એક વાસણમાં ગાળી લો.
તે મિશ્રણમાં હળદર,લાલ મરચું પાવડર, તલ,લીલા મરચાની પેસ્ટ,કોથમીર, મીઠં, ઘઉંનો લોટ નાખીને લોટ બાંધી લો.
હવે બાંધેલા લોટમાંથી નાના બોલ બનાવીને પાટલા પર વેલણની મદદથી વણી લો.
હવે વણેલા પરાઠાને એક પેન ગરમ કરીને તેમાં શેકી ઉપર થોડું તેલ નાખીને પરાઠાની જેમ શેકી લો.
તૈયાર છે તમારા સરગવાના ટેસ્ટી અને હેલ્દી પરાઠા, તમે તેને દહીં, ચટણી લગેરે સાથે સર્વ કરી શકો છો.
એક વખત મન કી બાત કાર્યક્રમમાં આપણા PM નરેન્દ્ર મોદીએ પણ પોતાની મનપસંદ વાનગી હોવોનું જણાવ્યું હતું, તેથી તમે પણ આ રેસીપી ઘરે બનાવીને ટ્રાય કરી શકો છો.
રેસીપી ગમે તો લાઈક-શેર કરો અને આવી વધુ રેસીપી માટે ગુજરાતી જાગરણ વાંચતા રહો.