મિની હાર્ટ એટેકને મેડિકલ ભાષામાં એનજાઈના અર્થાત માઈનર કાર્ડિયાક એરેસ્ટ કહેવામાં આવે છે. જેમાં હ્રદયને સંપૂર્ણ નુકસાન નથી થતું, પરંતુ તે ખતરાનો સંકેત હોઈ શકે છે. તો ચાલો જાણીએ કાર્ડિયોલૉજિસ્ટ ડૉ. અવધેશ શર્મા પાસેથી મિની હાર્ટ એટેકમાં કઈ જગ્યાએ દુખાવો ઉપડે છે
મિની હાર્ટ એટેકમાં હંમેશા છાતીની વચ્ચો વચ્ચ સામાન્ય દબાણ જેવો દુખાવા જેવો અહેસાસ થાય છે. આ દુખાવો ધીમે-ધીમે વધી શકે છે અને બેચેની ઉભી કરે છે.
આ દુખાવો છાતીમાંથી શરૂ થઈને ડાબા હાથ, ગળું, જડબા અને પીઠ સુધી ફેલાઈ શકે છે. ઘણી વખત તો માત્ર ખભા અને હાથમાં જ દુખાવો થતો હોય છે.
ગેસના દુખાવા અને હાર્ટ એટેકના દુખાવા વચ્ચેનો ફરક સમજવો જરૂરી છે. હાર્ટ એટેકમાં સતત દુખાવો રહે છે અને આરામ કરવા છતાં તીવ્ર પીડા અનુભવાય છે.
મિની હાર્ટ એટેકમાં વ્યક્તિને શ્વાસ લેવામાં તકલીફ થઈ શકે છે. થોડાક જ પગથિયા ચડતા તેમજ થોડું ચાલવાથી શ્વાસ ફુલવા લાગે છે.
અચાનક ઠંડો પરસેવો વળવા લાગે અને થાક અને નબળાઈ મહેસૂસ થાય તેમજ ચક્કર જેવું લાગે, તો તે મિની હાર્ટ એટેકનું લક્ષણ હોઈ શકે છે. આ સંકેત શરીરના અંદરની સમસ્યાને દર્શાવે છે.
મહિલાઓને હાર્ટ એટેકમાં હંમેશા પીઠમાં દુખાવો, થાક અને ઉબકા જેવા લક્ષણો જોવા મળે છે. મહિલાઓને છાતીમાં દુખાવો ના ઉપડે, તો પણ તે ખતરનાક હોઈ શકે છે.
જો તમને છાતીમાં વિચિત્ર દુખાવો, પરસેવો વળવો તેમજ શ્વાસ લેવામાં સમસ્યા જેવી તકલીફ થતી હોય, તો તાત્કાલિક તબીબનો સંપર્ક કરવો જોઈએ. જો થોડો પણ વિલંબ કરશો, તો તમારો જીવ પણ જઈ શકે છે.