મખાનામાં રહેલા પોષક તત્વો સ્વાસ્થ્ય માટે ફાયદાકારક છે. આવો જાણીએ તેનાથી બનેલી કેટલાક સ્વાદિષ્ટ વાનગીઓ વિશે, જેને તમે પણ ટ્રાય કરી શકો છો.
તમે મખાનામાંથી મખાના ભેળ બનાવીને ખાઈ શકો છો. આ માટે સૌ પ્રથમ મખાના અને મગફળીને ઘીમાં તળી લો અને પછી તેમાં સમારેલી ડુંગળી,ગાજર,બીટ,ટામેટા,લીલા મરચાં,ધાણાજીરું,ચાટ મસાલો,સેવ,મીઠું વગેરે નાખીને મિક્સ કરો.
મખાનામાંથી હલવો બનાવવા માટે તેને એક તપેલીમાં નાખીને શેકી લો અને પછી તેને ગ્રાઇન્ડરમાં નાખીને બરછટ પીસી લો. હવે એક કડાઈમાં ઘી ગરમ કરો અને તેને તળી લો, પછી દૂધ,ખાંડ,ખોવા વગેરે મિક્સ કરીને હલવો બનવો અને તેના પર ડ્રાય ફ્રુટ્સ નાખીને સર્વ કરો.
તમે મખાનામાંથી ચાટ પણ બનાવીને ખાઈ શકો છો. તેના માટે શેકેલા મખાનાને લો અને તેમાં ઝીણી સમારેલી ડુંગળી, લીલા ધાણા,ખાટી-મીઠી ચટણી,દહીં,મીઠું, થોડી ખાંડ,ચાટ મસાલો,સેવ વગેરે નાખીને મિકસ કરો.
તમે મખાના અને ચિરોંજીને મિક્સ કરીને હેલ્દી ખીર બનાવી શકો છો. તમે તમારી સપંદગીના ડ્રાય ફ્રૂટ્સને ટુકડા કરીને ઉપર નાખી શકો છો.
તમે પાલક અને મખાનાની કઢી બનાવી શકો છો. આ હેલ્દી વાનગી હોવાની સાથે ટેસ્ટી પણ હોય છે.તેન તમે પરાઠા કે પુડલા સાથે ખાઈ શકો છો.
તમે દહીં, ચાટ મસાલા અને મખાનાને મિક્સ કરીને રાયતા તૈયાર કરી શકો છો. તમે તેને પરાઠા,ભાત સાથે ખાઈ શકો છો.
મખાનામાં મગફળી,કાજુ,બદામ,સૂકુ નાળિયેર વગેરે મિક્સ કરીને ઘીમાં તળી લો અને પછી મસાલો અને સેવ મિક્સ કરીને સાંજે નાસ્તા તરીકે ખાઈ શકો છો.