શિયાળામાં મોટા પ્રમાણમાં બજારમાં લીલી મેથી આવી ગઈ છે. આરોગ્યની દ્રષ્ટિએ પણ મેથી ફાયદાકારક છે. તો ચાલો એકદમ પોચા અને ટેસ્ટી મેથીના થેપલા બનાવવાની રેસીપી અહીં જણાવી રહ્યા છીએ.
2 કપ ઘઉંનો લોટ, 1 કપ લીલી મેથી, 1/2 ચમચી મીઠું, 1/4 ચમચી અજમો, 1/4 ચમચી હળદર, 1/4 ચમચી ધાણા પાવડર, જરૂર મુજબ તેલ, જરૂર મુજબ પાણી.
સૌથી પહેલા લીલી મેથીને પાણીથી ધોઈ લો અને કોરી કરીને બારીક રીતે સમારી લો.
હવે મોટા બાઉલમાં ઘઉંનો લોટ લો. તેમાં મીઠું, અજમો, હળદર, ધાણા પાવડર અને સમારેલી મેથી મિક્સ કરો. તમે ઈચ્છો તો દૂધી પણ ખમણીને ઉમેરી શકો છો. આ ઉપરાંત બારીક સમારેલી કોથમરી અને આદુ મરચાની પેસ્ટ પણ ઉમેરી શકો છો.
હવે તેલ અને પાણી ઉમેરી લોટ બાંધો. લોટને 10-15 મિનિટ માટે રાખો.
લોટમાંથી નાના નાના લુઆ બનાવો. પછી રોટલીની જેમ વણી લો.
એક નોનસ્ટીક પેનમાં તેલ લગાવી ગરમ કરો. થેપલાને તેમાં બન્ને બાજુએ શેકી લો.
તૈયાર છે તમારા મેથીના થેપલા, તેને ચા, દહીં, ચટણી, ટમેટા સોસ કે શાક સાથે સર્વ કરો.
અનવની રેસીપી માટે ગુજરાતી જાગરણ વાંચતા રહો.