જો તમે શિયાળામાં કંઈક મીઠાઈ ખાવાનું મન થાય તો આ ગુજરાતી અડદિયા પાક બનાવી શકો છો. જે શિયાળામાં શરીરને ગરમી આપે છે અને ઠંડીથી બચાવે છે. અડદની દાળ, દેશી ઘી અને મિક્સ ડ્રાય ફ્રૂટ્સના મિશ્રણથી બનેલી આ વાનગી ખાવામાં ખૂબ જ સ્વાદિષ્ટ હોય છે.
1 કપ અડદની દાળનો લોટ, 3/4 કપ ઘી, 3/4 કપ ગોળ, 1 કપ કાજુ/બદામનો પાવડર, 1/2 કપ સૂકા નારિયેળનું છીણેલ કોપરું, 1 ચમચી સૂંઠ પાવડર, 1/4 કપ ગોંદ, 1 /2 કપ ઘી ગોળમાં ઉમેરવા માટે.
એક મિક્સર જારમાં તજનો ટુકડો, અડધું જાયફળ, 5 એલચી, 8 મરી, થોડો સુંઠ પાવડર અને પીપલમુલનો પાવડર ઉમેરી બરાબર પીસી લો. તમારો અડદિયાનો મસાલો તૈયાર છે.
અડદની દાળને હળવો શેકી મિક્સરમાં પીસી લોટ બનાવી લો.
મોટા બાઉલમાં અડદનો લોટ લો. તેમાં થોડો ઘઉંનો લોટ અને ચણાનો લોટ ઉમેરો. 3 ચમચી ઘી અને 4 ચમચી દૂધ ઉમેરે મિક્સ કરો. મિશ્રણને થોડું સમય ઢાંકીને મૂકી દો.
કઢાઈમાં ઘી ગરમ કરીને ગુંદરને તળી લો અને બહાર કાઢો, એ જ ઘીમાં સમારેલી બદામ, પિસ્તા અને કાજુને હળવી તળી લો.
કઢાઈમાં થોડું ઘી ગરમ કરો. તેમાં અડદનો લોટ ઉમેરી સતત હલાવતા 15 મિનિટ શેકો, પછી ગેસ બંધ કરીને 10 મિનિટ માટે મૂકી દો.
બીજી કઢાઈમાં થોડું પાણી ઉમેરી ગોળ ઓગાળો.3 મિનિટ જેટલી ચાસણી બનવા દો.
અડદના મિશ્રણમાં ગરમ ગોળની ચાસણી ઉમેરો. 3 ચમચી અડદિયાનો મસાલો ઉમેરો, તળેલા કાજુ, બદામ, પિસ્તા અને ગુંદર ઉમેરી બધું બરાબર મિક્સ કરો.
ઘી લગાવી મોટી થાળીમાં મિશ્રણ પાથરી દો. ઉપરથી સમારેલા મેવાં છાંટો, 4 કલાક ઠંડું થવા દો. પછી ગમે તે આકારમાં કાપી લો.
શિયાળાની સીઝનમાં ખાવાનું ખાસ આનંદ આપે એવો ગરમ ગરમ, સુગંધી અને પૌષ્ટિક અડદિયો પાક માણો!