હાંડવો તમે ખાધો જ હશે, પરંતુ આજે અમે તમને મકાઈનો હાંડવો બનાવવાની યુનિક રેસીપી જણાવીશું.
ચોખાનો લોટ, બેસન, રવો, ખાટું દહીં, મકાઈનો લોટ, ગાજર, કેપ્સીકમ, કોથમીર, લીલા મરચા, આદુ, લસણ, મીઠું, હળદર, હિંગ, બેકિંગ સોડા, લીંબુનો રસ, તેલ, રાઈ, જીરું, તલ.
સૌ પ્રથમ એક બાઉલમાં ચોખા, ચણાનો લોટ, રવો અને દહીં ઉમેરીને મિક્સ કરી લો.
હવે લીલી મકાઈના દાણા કાઢી એક મિક્સર જારમાં લીલા મરચા ઉમેરીને ગ્રાઈન્ડ કરી બેટરમાં ઉમેરો.
હવે બેટરમાં હળદર, મીઠું, મરચું, હિંગ, ગાજર, ખાંડ, કેપ્સીકમ, કોથમરી નાખીને મિક્સ કરી લો.
હવે તેમાં થોડો બેકિંગ સોડા અને લીંબુનો રસ ઉમેરીને મિક્સ કરી લો.
હવે એક પેનમાં તેલ ગરમ કરી તેમાં રાઈ-જીરું અને સફેદ તલ સાથળી તેમાં બેટર રેડીને ફેલાવી દો.
હવે હાંડવાની ઉપર તલ છાંટીને બંને બાજુ સારી રીતે પકાવી લો.
તૈયાર છે લીલી મકાઈ હાંડવાની યુનિક રેસીપી, તમે મનપસંદ ચટણી સર્વ કરી શકો છો.
રેસીપી ગમે તો લાઈક-શેર રજો અને આવી યુનિક રેસીપી માટે ગુજરાતી જાગરણ વાંચતા રહો.