બાળપણમાં ખૂબ જ જરૂરી હોય છે કે તમે બાળકના ખાનપાનમાં ખાસ ધ્યાન રાખો. મગ દાળનું પાણી બાળકના સ્વાસ્થ્ય માટે ખૂબ જ ફાયદાકારક ગણવામાં આવે છે.
મગ દાળમાં ઘણાં બધાં પોષકતત્ત્વો રહેલા હોય છે. મગ દાળમાં પોટેશિયમ, ફોસફોરસ, મેગ્નેશિયમ, આયર્ન, કોપર, ફોલેટ, નિયાસિન, થાયમિન, રાઇબોફ્લેવિનની સાથે ઘણાં અન્ય વિટામિનના સોર્સ મળી શકે છે.
મગ દાળનું પાણી પીવાથી શરીરને સારી ઊર્જા મળે છે. મગ દાળના પાણીથી શરીરના થાકમાં આરામ મળે છે.
બાળકોને થતો ગેસ, અપચો, કબજિયાતની સાથે અન્ય તમામ સમસ્યાઓમાં મગ દાળનું સેવન ખૂબ ગુણકારી હોય છે. મગ દાળનું પાણી પીવાથી બાળકોને ડાયઝેશન સિસ્ટમ મજબૂત બને છે.
મગ દાળના પાણીનું સેવન કરવાથી બાળકોમાં રોગ પ્રતિકારક ક્ષમતા વધુ મજબૂત બને છે. સાથે જ તાવ, સરદી અને ખાંસીની સમસ્યાથી પણ છુટકારો મળે છે.
મગ દાળનું પાણી પીવાથી બાળકોનું મગજ શાર્પ રહે છે અને યાદશક્તિ મજબૂત બને છે. મગમાં ફોલિક એસિડ હોય છે.
પ્રોટીનથી ભરપૂર મગ દાળને સુપરફૂડ્સમાં ગણવામાં આવે છે. આ શાકાહારી અનાજ સ્વાસ્થ્ય માટે ખૂબ જ ગુણકારી હોય છે.
મગ દાળને અડધો કપ લઇને ધોઇ કાઢો અને તેને પ્રેશર કૂકરમાં 2 ગ્લાસ પાણી, 1 ચપટી હળદર, થોડું ઘી અને સ્વાદપ્રમાણે મીઠું મિક્સ કરીને 5 વખત કૂકરની સીટી વાગવા દો.