Yes Bankના શેરોને ત્રણ વર્ષ સુધી વેચવા પર RBIએ નિયંત્રણ મુક્યું હતું, જે હવે સોમવારે એટલે કે 13 માર્ચના રોજ પૂરું થઈ રહ્યું છે.
SBIના વડપણ હેઠળ આઠ બેંકના કન્સોર્ટીયમ યસ બેંકમાં 48 ટકા હિસ્સા માટે રૂપિયા 6,050 કરોડનું રોકાણ ધરાવે છે.
14 માર્ચ,2020થી 3 વર્ષ પૂરા થાય નહીં ત્યા સુધી SBI તેનું હોલ્ડિંગ 48 ટકાથી ઘટાડી 26 ટકા નીચે લઈ જઈ શકે નહીં. SBIએ ડિસેમ્બર,2022 પ્રમાણે આ હિસ્સેદારી ઘટાડી 26 ટકા કરેલી.
ICICI ડાયરેક્ટના મતે યસ બેંકને છેલ્લા છ મહિનાના ગાળા દરમિયાન એસેટ ક્વૉલિટી તેમ જ બિઝનેસ ગ્રોથને લઈ નોંધપાત્ર સુધારો દર્શાવ્યો છે.
13 માર્ચ,2023ના રોજ લોક-ઈન પીરિયડ પૂરો થતા શેરની કિંમતમાં ભારે અફરા-તફરી સર્જાઈ શકે છે. આ સંજોગોમાં નજીકની અવધિ દરમિયાન યસ બેંકમાં જોખમી સ્થિતિ રહી શકે છે.
ભારતીય શેરબજારમાં યસ બેંકના શેરનો ભાવ રૂપિયા 16.55 છે. છેલ્લા એક વર્ષ દરમિયાન શેરની કિંમતને જોઈએ તો ભાવ ઊંચામાં રૂપિયા 24.75 અને નીચામાં રૂપિયા 12.10 નોંધાયેલો છે.