આજે 1 નવેમ્બરના રોજ સમગ્ર દેશમાં પરિણીત મહિલાઓ દ્વારા કરવા ચોથની ઉજવણી કરવામાં આવી રહી છે. હિન્દું ધર્મમાં કરવા ચોથ તહેવારનું એક અનેરું મહત્ત્વ છે.
કરવા ચોથના તહેવારને પતિ-પત્ની વચ્ચેના અતૂટ બંધનનું પ્રતીક માનવામાં આવે છે. આ દિવસે કરવા માતાની વિધિપૂર્વક પૂજા કરવાથી મહિલાઓને અખંડ સૌભાગ્ય પ્રાપ્ત થાય છે.
કરવા ચોથના દિવસે મહિલાઓ 16 શ્રુંગાર કરી પોતાના પતિની લાંબી ઉંમર માટે પ્રાર્થના કરી નિર્જળા વ્રત રાખે છે.
આ દિવસે વ્રત શરૂ કરવા મહિલાઓ સૂર્યોદય પહેલા સરગી ખાય છે. સરગી ભોજનમાં ભૂલથી પણ મસાલા વાળી વસ્તુ લેવામાં આવતી નથી. કરવા ચોથ - શુભ મુહૂર્ત
કરવા ચોથની પૂજા માટેનું શુભ મુહૂર્ત આજે સાંજે 5.36 થી 6.54ની વચ્ચે રહેશે. આ સમયગાળા દરમિયાન વ્રત રાખનાર મહિલાઓએ પૂજા કરી લેવી જોઈએ.
કરવા ચોથના દિવસે ચંદ્રોદયનો સમય રાતે 8 કલાક અને 15 મિનિટનો રહેવાનો છે. ચંદ્રના દર્શન કર્યા પછી પૂજા કરવી એ પણ આ વ્રતનો મહત્ત્વનો ભાગ છે.
કરવા ચોથના દિવસે શુભ યોગ પણ બને છે. સર્વાર્થ સિદ્ધિ અને શિવ યોગનો લાભ અમુક રાશિ વાળા લોકોને વધારે મળે છે.