શિયાળો આવે એટલે કચરિયું યાદ આવે છે. બજારમાં મળતા તૈયાર કચરિયા જેવું કચરિયું ઘરે બનાવવું ઘણું અઘરું લાગતું હોય છે. પણ સરળ રીતે આજે કચરિયું કેવી રીતે બનાવવું તેની રેસિપી તમને અહીં જણાવીશું.
કાળા તલ,ગોળ,ખજૂર,ઘી,સૂંઠ પાઉડર,ગંઠોડા પાવડર,મગજતરીના બી,ખસખસ,સૂકા કોપરાનું છીણ, બદામ, પિસ્તા,કાજુ
તલને એક કઢાઈમાં થોડા શેકી લો.
હવે ઠંડા કરેલા તલ ને મિક્સર જાર માં ઉમેરી તેમાં કાજુ, બદામ, અખરોટ અને મગજતરી ના બીજ ઉમેરી પલ્સ મોડ પર ક્રશ કરી લો. હવે આમાં ગંઠોડા પાવડર, સૂંઠ પાઉડર, ખસખસ અને સૂકા નારિયેળ નું છીણ ઉમેરી ફરીથી ક્રશ કરી લો.
હવે કડાઈમાં ઘી ગરમ કરી તેમાં ગોળ ઉમેરો. પછી તેમાં તલ ઉમેરો.
હવે તેમા પીસેલા ખજૂર, સૂંઠ પાવડર, ગંઠોડા પાવડર, ખસખસ, સૂકા કોપરાનું છીણ, ત્યાર બાદ બારીક સમારેલા પિસ્તા, બદામ, કાજુ ઉમેરી બરાબર મિક્સ કરી દો.
જો જરૂર જણાય તો તેને તેમાં તલનું તેલ પણ ઉમેરી શકો.
આ કચરિયાં પર સૂકા નારિયેળ નું છીણ ભભરાવી ઉપર મગજતરી ના બીજ, તળેલો ગુંદર, કાજુ, સૂકી દ્રાક્ષ, બદામ અને ટુટી ફ્રુટી ઉમેરી ગાર્નિશ કરીને સર્વ કરો.
અવનવી વાનગીઓ માટે ગુજરાતી જાગરણ વાંચતા રહો.