અમેરિકાના નેતૃત્વવાળા ખનિજ સુરક્ષા ભાગીદારીમાં ભારત સામેલ થતા મહત્વના ખનિજો મેળવવાનો માર્ગ મોકળો બની ગયો છે.
અગાઉ ભારતે એપ્રિલમાં ખનિજો મેળવવા ઓસ્ટ્રેલિયા સાથે સમજૂતી કરી હતી. બે દેશોએ 5 ખનિજો માટે રોકાણ કરવાનો નિર્ણય કર્યો હતો.
સિલિકોન, જર્મેનિયમ, ગેલિયમ આર્સેનાઈડ જેવા મહત્વના ખનિજોની ભારતે સેમીકન્ડક્ટર બનાવવા જરૂર પડતી હોય છે.
રશિયા યુક્રેન યુદ્ધ અને કોવિડ-19ને લીધે ઈલેક્ટ્રોનિક્સ તથા વાહન ઉદ્યોગને ખનિજોની તંગીને લીધે અનેક મુશ્કેલીનો સામનો કરવો પડ્યો હતો.
વિકાસશીલ દેશોમાં ભારત પ્રથમ દેશ છે કે જેને MSPમાં સ્થાન મળ્યું છે. આ સમૂહમાં US, ઓસ્ટ્રેલિયા, કેનેડા, ફિનલેન્ડ, જર્મની, ફ્રાંસ જેવા દેશનો સમાવેશ થાય છે.