ન્યૂઝીલેન્ડના અર્થતંત્રમાં મંદીની અસર જોવા મળી છે. ગુરુવારે જાહેર કરવામાં આવેલા આંકડાકીય માહિતીમાં આ જાણકારી આપવામાં આવી છે.
ઊંચા વ્યાજદરોને લીધે ન્યૂઝીલેન્ડના GDPમાં 0.1 ટકાનો ઘટાડો થયો છે. આ અગાઉ ત્રિમાસિક ગાળામાં GDP 0.7 ટકાનો ઘટાડો આવ્યો હતો. સતત બીજા ત્રિમાસિક ગાળામાં GDPમાં ઘટાડો મંદીની સ્થિતિ દર્શાવે છે.
ન્યૂઝીલેન્ડની સેન્ટ્રલ બેંકે વ્યાજ દર સતત 12મી વખત વધારી 5.5 ટકા કર્યા છે. તેને લીધે અર્થતંત્રમાં સુસ્તીની અસર જોવા મળે છે.
તેને પગલે ઘર, કાર અથવા અન્ય કોઈ વસ્તુની ખરીદી કરવી મોંઘી થઈ ગઈ છે. જોકે મધ્યસ્થ બેંકે સંકેત આપ્યા છે કે વધુ વ્યાજદરો વધારવાની યોજના ધરાવતી નથી.