સરકારે ખાંડની નિકાસ પર નિયંત્રણ આ વર્ષે 31 ઓક્ટોબરથી આગળ વધારી દીધા છે. આ પગલાંનો ઉદ્દેશ તહેવારની સીઝન દરમિયાન ઘરેલુ બજારમાં ખાંડની વધારે સારી ઉપલબ્ધતા સુનિશ્ચિત કરવાની છે.
આ અગાઉ ખાંડની નિકાસ પર અંકુશ આ વર્ષે 31 ઓક્ટોબર સુધી લાદ્યા હતા. અલબત નવેસરથી લંબાવવામાં આવેલ નિયંત્રણોને લગતી શરતોમાં કોઈ ફેરફાર કરવામાં આવ્યા નથી.
ભારત વિશ્વમાં ખાંડનું સૌથી મોટો ઉત્પાદક દેશ તથા બીજા ક્રમનો સૌથી મોટો નિકાસકર્તા દેશ છે. નિયંત્રણ હેઠળની શ્રેણીમાં કોઈ પણ નિકાસકર્તાએ ખાંડની નિકાસ માટે સરકાર પાસેથી લાઈસન્સ અથવા તો મંજૂરી મેળવવાની જરૂર હોય છે.
સરકાર સમગ્ર દેશમાં ખાંડની સ્થિતિ પર ચાંપતી નજર રાખી રહી છે. તેમાં ખાંડ ઉત્પાદન, ગ્રાહક, નિકાસ, જથ્થાબંધ તથા છૂટક બજારોમાં મૂલ્યને લગતા રુઝાનનો સમાવેશ થાય છે.