આ રીતે મસાલાને લાંબા સમય સુધી સંગ્રહિત કરવાથી તે ખરાબ થઈ શકે છે, ચાલો જાણીએ કે મસાલાને લાંબા સમય સુધી કેવી રીતે સ્ટોર કરી શકાય.
ભૂલથી પણ ખુલ્લી હવામાં મસાલાને ન રાખો. આનાથી મસાલાનો કલર અને સુગંધ બંને બગડી જાય છે.
મસાલાને હવાથી બચાવવા માટે એર ટાઈટ કન્ટેનરનો ઉપયોગ કરો. આ માટે કાચની બરણી વધુ ફાયદાકારક છે.
ઘણા લોકો મસાલાને ફ્રેશ રાખવા માટે ફ્રીજનો ઉપયોગ કરે છે.પરંતુ તમને જાણાવી દઈએ કે ફ્રીજમાં મસાલા રાખવાથી તેનો ફ્લેવર બદલી જાય છે.
મસાલાને કોઈ ગરમ જગ્યાએ ન રાખો તેનાથી મસાલા ઝડપથી ખરાબ થઈ જાય છે.તેથી કિચનમાં આવી ગરમ જગ્યાથી દૂર કાચની બરણીમાં પેક કરીને રાખો.
મસાલાનો ઉપયોગ કર્યા પછી ક્યારેય તેનું ઢાંકણું ખુલ્લું ન રાખવું જોઈએ,આનાથી તેમાં હવા લાગી શકે છે અને ઝડપથી ખરાબ થઈ જાય છે અને તેનો સ્વાદ પણ બદલી જાય છે.
પેકિંગ કરેલા મસાલા પણ ખરાબ થઈ જાય છે કારણ કે મસાલા ઘણા દિવસોથી પેકિંગ કરેલા હોય છે.તેથી તેનું પણ ધ્યાન રાખવું જરૂરી છે નહીં તો તે બગડી શકે છે.
કિચનમાં મસાલાને કોઈ એવી જગ્યાએ રાખવા જોઈએ જ્યાં સીધો સૂર્યપ્રકાશ તેના પર ન પડે.વધારે સૂર્યપ્રકાશમાં રહેવાથી મસાલા બગડી શકે છે.
હંમેશા મસાલાને અંધારા વાળી જગ્યાએ રાખવા જોઈએ.અંધારું અથવા બંધ જગ્યાએ કે જ્યાં સૂર્યપ્રકાશ અને ભેજ બંનનેથી બચાવી શકાય.
મસાલાને હંમેશા ભેજથી દૂર રાખવા જોઈએ કારણ કે તે મસાલાને ઝડપથી બગાડે છે.ભીના હાથે મસાલાને ક્યારેય ન કાઢશો.
મસલાને રાખવા માટે ક્યારેય આછા કલરના કન્ટેનરનો ઉપયોગ ન કરો, તેને હંમેશા ડાર્ક કલરના કન્ટેનરમાં રાખો,તેનાથી મસાલામાં પ્રકાશ ઓછો લાગે છે.
આ સિવાય આ વાતનું ખાસ ધ્યાન રાખો કે મસાલાની એક્સપાયરી ડેટ તો પુરી નથી થઈ ગઈ ને, તે ચેક કરવા માટે મસાલાને હાથમાં રાખીને સુંઘો.જો તેમાં સુગંધ ન આવે તો સમજવું તે ખરાબ થઈ ગયો છે.
રીત ગમે તો લાઈક શેર કરો અને આવી વધુ ટિપ્સ માટે ગુજરાતી જાગરણ વાંચતા રહો.