વરસાદી ઋતુમાં બફારો અને ભેજ વારા વાતાવરણને કારણે અથાણાંમાં ફુગ લાગવાથી બગડી જવાની શક્યતા વધી જાય છે.આવો જાણીએ અથાણાંને લાંબા સમય સુધી સ્ટોર કરવાની કેટલીક ખાસ ટિપ્સ.
અથાણાંમાં હંમેશા મીઠું અને તેલનું પ્રમાણ વધુ માત્રામાં નાખવપં જોઈએ. આનાથી અથાણું લાંબા સમય સુધી બગડતું નથી. હકીકતમાં મીઠું અને તેલ અથાણાંમાં કુદરતી પ્રિઝર્વેટિવ તરીકેનું કામ કરે છે.
અથાણાંને ક્યારેક ક્યારેક સૂર્યપ્રકાશ આપતા રહો, જેનાથી અથાણાંમાં ફુગ લાગવાની શક્યતા ઓછી થઈ જાય છે. સાથે અથાણાંને બરણીમાંથી કાઢવા માટે સૂકા ચમચીનો જ ઉપયોગ કરો.
અથાણું હંમેશા કાચના કન્ટેનરમાં હવાની અવર જવર થાય એ રીતે રાખવું જોઈએ. જેનાથી અથાણું ઝડપથી બગડતુ નથી.
સૌથી પહેલી વાત કે પ્લાસ્ટિકના કન્ટેનરમાં અથાણું ન રાખો. જેમાં રાખવાથી તેની ખરાબ થવાની શક્યતા વધી જાય છે.
ચોમાસામાં અથાણાને ભેજથી બચાવવા માટે આથણાની બરણીના ઢાંકણમાં કાગળ અથવા કપડાથી ઢાંકી દો.આનાથી અથાણું બગડશે નહીં, તેમજ અથાણાંને ભીના હાથ વડે કાઢશો નહીં.
અથાણું બહાર કાઢવા માટે સ્વચ્છ અને સૂકી ચમચીનો ઉપયોગ કરો, પરંતુ અથાણાની બરણીમાં ચમચીને ક્યારેય ન છોડો,તેના કારણે અથાણું ઝડપથી બગડી જાય છે.
અથાણાંની બરણીને ઘરની સાફ અને સૂકી જગ્યા એટલે કે ભેજ વગરની જગ્યાએ રાખો,ભીના હાથ કે ભેજ વાળી દિવાલ પાસે અથાણાંને ન રાખો.
ટિપ્સ ગમે તો લાઈક શેર કરો અને આવી વધુ રેસીપી માટે ગુજરાતી જાગરણ વાંચતા રહો.