2 કપ સાદા નૂડલ્સ, 6 લસણની કળી ઝીણી સમારેલી, 1 ચમચી આદુ, 1/4 કપ ઝીણી સમારેલી ફ્રેન્ચ બીન્સ, 1/4 કપ બારીક સમારેલી લીલી ડુંગળી, 1/2 કપ ઝીણા સમારેલા કેપ્સીકમ, 1/2 કપ સમારેલી કોબી, 1/4 કપ ગાજર લાંબા પાતળા કટકા, 1/4 ચમચી કાળા મરી પાવડર, 2 ચમચી સોયા સોસ, દોઢ ચમચી મરચાંની ચટણી, 1 ચમચી ટોમેટો કેચપ, 1 ચમચી + 1 ચમચી તેલ, સ્વાદ મુજબ મીઠું.
નૂડલ્સને બાફવા માટે આ રેસીપીને અનુસરો અથવા નૂડલ્સના પેક પર આપેલી સૂચનાઓને અનુસરો. નૂડલ્સને વધુ રાંધશો નહીં, તેને સહેજ કાચા રાખો, તેને 95% બફવા દો.
ઉપર જણાવેલ શાકભાજીને બને તેટલી પાતળી અને સરખી રીતે કાપો જેથી તેને રાંધવામાં ઓછો સમય લાગે.
મધ્યમ આંચ પર એક કડાઈ મૂકો અને તેમાં 1 ચમચો તેલ ગરમ કરીને બારીક સમારેલ લસણ અને આદુ ઉમેરો અને 30 સેકન્ડ માટે ફ્રાય કરો.
હવે તમામ શાકભાજીને ફુલ ગેસ પર 2 મિનિટ પકાવો.
ત્યારબાદ સોયા સોસ, ચીલી સોસ, ટોમેટો કેચપ, કાળા મરી પાવડર અને મીઠું ઉમેરો.
સારી રીતે મિક્સ કરો અને એક મિનિટ માટે પાકવા દો અને પછી બાફેલા નૂડલ્સ ઉમેરો.
નૂડલ્સમાં ચટણી અને તમામ શાકભાજી સાથે સરખી રીતે મિક્સ થઈ જાય ત્યાં સુધી ટૉસ કરો અને ગેસ બંધ કરી દો.
સર્વિંગ પ્લેટમાં કાઢીને ખાટા સૂપ અથવા ડ્રાય વેજીટેબલ મંચુરિયન સાથે ગરમાગરમ સર્વ કરો.
રેસીપી ગમે તો લાઈક-શેર કરો અને આવી વધુ રેસીપી માટે ગુજરાતી જાગરણ વાંચતા રહો.