ગુજરાતમાં વડોદરાનાં દુલીરામનાં પેંડા ખૂબ જ પ્રખ્યાત છે. તેની રેસીપી એકદમ સરળ છે પરંતુ તેને બનાવવામાં સમય થોડો વધારે લાગે છે.આવો જાણીએ તેની રેસીપી.
દુલીરામના પેંડાની ખાસિયત એ છે કે રોજ જેટલા બને એટલા પેંડા વેચાઈ જાય છે. ભજીયાની જેમ અહીં પેંડા ખરીદવા લોકો રોજ લાઇનો લગાવે છે.
દૂધ,મલાઈ,ઘી,ખાંડ,એલચી પાવડર,લીંબુનો રસ.
સૌ પ્રથમ દૂધને ગરમ કરી તેમાં લીબુંનો રસ ઉમેરીને ચમચા વડે દૂધને હલાવો જેથી દૂધ ફાટી જાશે અને દૂધમાંથી પનીર અને પાણી છૂટું પડશે.
હવે એક વાસણ પર ગરણી રાખીને ફાટેલા દૂધને ગાળીને પનીરને પાણીથી ધોઈને દબાવીને વધારાનું પાણી કાઢી લો.
હવે ગેસ પર કડાઈમાં પનીરને હલકું શેકી તેમાં ખાંડ,ઘી મિક્સ કરીને દૂધ બળે ત્યાં સુધી પકાવો.
હવે ગેસથી ઉતારીને ઠંડુ થાય પછી તેને મિક્સરમાં નાંખીને ગ્રાઈન્ડ કરીને પાવડર બનાવી લો.
હવે તેને ફરી એજ કડાઈમાં નાંખી 5 મિનિટ પાછું ગરમ કરો અને 1 ચમચી દૂધ નાખીને એલચી પાઉડર મિક્સ કરો.
હવે ગેસ પરથી ઉતારીને થોડું ઠંડુ થાય એટલે હાથમાં ઘી લગાવીને થોડું મિશ્રણ લઇને તમે ગમે તે શેપ આપી પેંડા બનાવી શકો છો.
હવે પેંડાને ખાંડના પાવડરમાં રગદોળીને પ્લેટમાં રાખો,તો તૈયાર છે વડોદરાનાં પ્રખ્યાત દુલીરામનાં પેંડા તેમે સર્વ કરીને તેનો આનંદ માણો.
રેસીપી ગમે તો લાઈક-શેર કરો અને આવી વધુ રેસીપી માટે ગુજરાતી જાગરણ વાંચતા રહો.