જો કે આપણા બધાએ રવાના ઢોકળા ટેસ્ટ કર્યા જ હશે પરંતુ આપણા રાષ્ટ્રિય તહેવારે અનોખી રીતે ઉજવવામાં માટે તમે સ્વતંત્રતા દિવસે ત્રિરંગા રવા ઢોકળા રેસીપી ઘરે ટ્રાય કરી શકો છો.
રવો,દહીં,પાણી,ખાંડ,તેલ,બેકિંગ સોડા,ગ્રીન અને કેસરી ફ્લેવર કલર,રાઈ,તલ,મીઠો લીમડો,લીલા મરચા,હીંગ,સ્વાદ મુજબ મીઠું.
સૌ પ્રથમ એક બાઉલમાં રવો,દહીં,તેલ,ખાંડ,મીઠું અને થોડું પાણી ઉમેરીને સારી રીતે મિક્સ કરી લો.
હવે એક વાસણમાં તમામ સામગ્રી અને થોડું પાણી નાખીને સ્મૂધ બેટર બનાવીને આ બેટરને ત્રણ સરખા ભાગોમાં વહેંચો.એક ભાગમાં કેસરી કલર અને બીજા ભાગમાં લીલો કલર નાખીને બરાબર મિક્સ કરી લો.
હવ એક ગેસ પર પેન ગરમ કરો અને તેના પર કેસરી બેટરને રેડીને સમાનરૂપે ફેલાવીને સ્ટીમ થવા દો.પછી સફેદ બેટર અને એ જ રીતે લીલા બેટરને સ્ટીમ કરી મોલ્ડને બહાર કાઢીને ઠંડુ થાય એટલે પ્લેટમાં કાઢીને છરી વડે ચોરસ ટુકડા કરો.
હવે ગેસ પર એક પેનમાં તેલ ગરમ કરીને તેમાં રાઈ અને તલ,મીઠો લીમડો,હીંગ અને લીલાં મરચાં નાંખી મિક્સ કરીને ઢોકળા પર રેડો.
હવે આ ઢોકળાને સર્વિંગ પ્લેટમાં કાઢીને ઉપરથી બારીક સમારેલી કોથમીર ગાર્નિશ કરીને તેને નાળિયેર ચટણી સાથે સર્વ કરો.
પ્રજાસત્તાક દિવસ પર આ રેસીપી અવશ્ય ટ્રાય કરજો અને આવી વધુ રેસીપી માટે ગુજરાતી જાગરણ વાંચતા રહો.