ચોમાસાની શરૂઆત થઈ ગઈ છે અને લોકો વરસાદી ઋતુને ખૂબ પસંદ કરી રહ્યા છે. પરંતુ આ સિઝનમાં બીમારીનું જોખમ રહે છે, તેથી અમે તમને ટમેટાની અદ્ભુત રેસીપી જણાવીશું જે તમારી રોગપ્રતિકારક શક્તિને પણ વધારશે.
ટામેટાં, લીલાં મરચાં, પાણી, લસણ, આમલીનો પલ્પ, તેલ કે ઘી, રાઈ, જીરું, કાળા મરી પાવડર, લાલ મરચું પાવડર, હીંગ, હળદર પાવડર, કોથમરી, મીઠા લીમડાના પાન.
સૌ પ્રથમ એક વાસણમાં પાણી ગરમ કરો અને ટામેટાંને ધોઈને સાફ કરીને તેની છાલ કાઢીને મિક્સરમાં નાખીને પેસ્ટ બનાવી લો.
હવે એક અલગ વાસણમાં તુવેર દાળને ધોઈને પાણીમાં બાફીને મિક્સરમાં નાખો અને પેસ્ટ તૈયાર કરો.
હવે એક પેનમાં તેલ ગરમ કરી તેમાં રાઈ, જીરું, મીઠા લીમડાના પાન, હિંગ, લીલાં મરચાં-લસણની પેસ્ટ નાખીને સાંતળી લો.
હવે તેમાં ટામેટાની પેસ્ટ,આમલીનો પલ્પ, મીઠું, મરચું, હળદર અને કાળા મરીનો પાવડર ઉમેરીને બરાબર મિક્સ કરી તેને ઢાંકીને 2-3 મિનિટ પકાવો.
હવે આ મિશ્રણમાં થોડું પાણી તુવેર દાળની પેસ્ટ નાખીને મિક્સ કરીને 15 મિનિટ પાકવી એક બાઉલમાં કાઢીને કોથમરી ગાર્નિશ કરી સર્વ કરો.
રેસીપી ગમે તો લાઈક-શેર કરજો અને આવી વધુ રેસીપી માટે ગુજરાતી જાગરણ વાંચતા રહો.