જો તમને સાંજે કંઈક મસાલેદાર ખાવાનું મન થાય તો તમે ઘરે જ સ્પ્રિંગ રોલ્સ બનાવીને ખાઈ શકો છો. ચાલો જાણીએ તેની સરળ રેસિપી.
કોબીજ,ગાજર,કેપ્સીકમ,લસણ-આદુની પેસ્ટ,લીલા મરચા,ડુંગળી,નૂડલ્સ,ચિલી સોસ,ટોમેટો સોસ,મીઠું સ્વાદ મુજબ,લાલ મરચું પાવડર,કાળા મરી પાવડર,તેલ જરૂરિયાત મુજબ,લોટ,બેકિંગ પાવડર.
સ્પ્રિંગ રોલ્સ બનાવવા માટે સૌ પ્રથમ લોટમાં બેકિંગ પાવડર મિક્સ કરીને લોટ બાંધીને પછી તેને સેટ થવા દો.
હવે સ્ટફિંગ બનાવવા માટે એક કડાઈમાં તેલ ગરમ કરો અને પછી તેમાં ડુંગળી,લીલા મરચા અને આદુ-લસણની પેસ્ટ નાખીને નરમ થાય ત્યાં સુધી ફ્રાય કરો.
હવે તેમાં તમામ શાકભાજી જેમ કે કોબીજ, ગાજર, કેપ્સિકમ વગેરે ઉમેરીને ઢાંકીને પકાવી લો.
પછી તેમાં મીઠું,કાળા મરી અને લાલ મરચું પાવડર નાખીને મિક્સ કરીને તેમાં સોયા સોસ,ચીલી સોસ અને ટોમેટો સોસ ઉમેરીને બરાબર મિક્ષ કરી લો.
હવે લોટમાંથી નાના-નાના બોલ બનાવીને રોટલી જેવી પાતળી વણી લો પછી તેને ચોરસ આકારમાં કાપીને બેક કરી લો.
હવે આ રોટલી પર તૈયાર સ્ટફિંગ ફેલાવો અને પછી રોલ બનાવી ગરમ તેલમાં તળી લો.
હવે તેના નાના ટુકડા કરી લો અને તેને લાલ અને લીલી ચટણી સાથે સર્વ કરો.
તમે ઘરે સ્પ્રિંગ રોલ્સ પણ બનાવી શકો છો,રેસીપી ગમે તો શેર કરજો અને આવી બીજી રેસિપી જાણવા ગુજરાતી જાગરણ વાંચતા રહો.