સેવપૂરી ભારતની લોકપ્રિય ચાટમાંથી એક છે અને તેને બનાવવી ખૂબ જ સરળ છે. તેમાં પાપડી ઉપર બાફેલા બટાકા, બાફેલા મગ, ડુંગળી, લીલી ચટણી, ખજૂર આમલીની ચટણી નાખવામાં આવે છે અને ઉપરથી સેવ છાંટવામાં આવે છે.
ચાટ પૂરી,બાફેલા બટાકા,બાફેલા મગ,ટામેટાં,ડુંગળી,ખજૂર આંબલીની ચટણી,લીલી ચટણી,ચાટ મસાલો,નાયલોન સેવ,કોથમીર.
લીલી ચટણી અને ખજૂર આંબલીની ચટણી તેની રેસીપી પ્રમાણે પહેલાથી જ બનાવી લો.
હવે એક કૂકરમાં બટાકા અને મગને મીઠા વાળા પાણીમાં નરમ થાય ત્યાં સુધી બાફી લો. ચાટ બનાવતા પહેલા બધી જરૂરી સામગ્રી તૈયાર રાખો.
હવે એક પ્લેટ લો અને તેમાં પાપડી પૂરીને ગોઠવી તેની ઉપર બાફેલ બટેટુ અને મગ નાખો.
હવે તેની ઉપર ડુંગળી અને ટમેટા ઉમેરીને ખજૂર આંબલી અને લીલી ચટણી નાખો.
હવે તેની ઉપર સેવ અને ચાટ મસાલા પાઉડર છાંટો અને કોથમીર ગાર્નિશ કરીને તેને સર્વ કરી શકો છો.
રેસીપી ગમે તો લાઈક-શેર કરજો અને આવી વધુ રેસીપી માટે ગુજરાતી જાગરણ વાંચતા રહો.