ભારતમાં લગભગ દરેક વ્યક્તિ સાઉથ ઈન્ડિયન વાનગીઓ ખાવાનું પસંદ કરે છે. ત્યારે ઈડલી, ઢોસા અને વડા સાથે સંભારને પીરસવામાં આવે છે જે લોકોને ખૂબ ગમે છે. તેથી આજે અમે તમને ઘરે સાંભાર મસાલો બનાવવાની રીત જણાવવા જઈ રહ્યા છીએ. ચાલો જાણીએ.
મીઠો લીમડો, આખા ધાણા, સરસવના દાણા, મેથીના દાણા, જીરું, અડદની દાળ, ચણાની દાળ, હીંગ, હળદર પાવડર, આખું લાલ મરચું, કાળી એલચી, આખા કાળા મરી,લવિંગ, તજ.
આ માટે સૌ પ્રથમ પેનને ગેસ પર ગરમ કરવા મૂકો અને આંચને મધ્યમ રાખો. હવે તેમાં 2 ચમચી અડદની દાળ અને 2 ચમચી ચણાની દાળ નાખો.
હલાવતા સમયે આ દાળને સારી રીતે ફ્રાય કરો. દાળ બ્રાઉન થાય ત્યાં સુધી હલાવો અને પછી 4 ચમચી આખા ધાણા ઉમેરો.
હવે દાળમાં 1 ચમચી મેથીના દાણા, 1 ચમચી જીરું અને 1 ચમચી સરસવ ઉમેરો. આ બધી વસ્તુઓને 1 મિનિટ માટે ધીમી આંચ પર ફ્રાય કરો.
જ્યારે બધી સામગ્રી ફ્રાય થઈ જાય ત્યારે આ મિશ્રણમાં 4 મોટી એલચી, થોડા મીઠા લીમડાના પાન, 10-12 લવિંગ અને અડધી ચમચી કાળા મરીનો પાવડર મિક્સ કરો.
આ બધી સામગ્રીને ધીમી આંચ પર 2 મિનિટ સુધી સારી રીતે પકાવો અને પછી આ મિશ્રણમાં થોડી હિંગ અને 1 ચમચી હળદર પાવડર ઉમેરો.
હવે આ મિશ્રણને લગભગ 10 મિનિટ માટે ફ્રાય કરો અને પછી તેને ઠંડુ થવા દો. આ પછી મસાલાની સામગ્રીને મિક્સરમાં નાખીને બારીક પીસી લો.
આ સાંભાર મસાલાને એર ટાઈટ કન્ટેનરમાં સ્ટોર કરી લેવા જોઈએ, સ્ટારી ગમે તો શેર કરો અને આવી વધુ માહિતી માટે ગુજરાતી જાગરણ વાંચતા રહો.