Gujarati Khichdo: ઉત્તરાયણ સ્પેશિયલ સાત ધાનનો ખીચડો


By Vanraj Dabhi02, Jan 2025 01:06 PMgujaratijagran.com

સાત ધાનનો ખીચડો

મકરસંક્રાંતિ એટલે કે ઉત્તરાયણ આ તહેવાર 14 જાન્યુઆરીના દિવસે ઉજવવામાં આવે છે, આ દિવસે લોકો અવનવી વાનગીઓ બનાવતા હોય છે પરંતુ સાત ધાનનો ખીચડો ઉત્તરાયણ માટેની સ્પેશિયલ વાનગી છે.

સામગ્રી

ચણાની દાળ, વાલ, તુવેરની દાળ, ચોળી, મગ,ચોખા, મસૂર, બાજરો, જુવોર, ઘઉંના ફાડા, બટાકા, ગાજર, લીલું લસણ, વટાણા, લીલું મરચું.

વઘાર માટેના મસાલા

હળદર, કાજુ, ટમેટા, હિંગ, ધાણાજીરું, સિંગના દાણા, લાલ મરચું પાવડર, ગરમ મસાલો, કોથમરી, તેલ, મીઠું.

સ્ટેપ-1

સૌ પ્રથમ તમામ ધાનને એક બાઉલમાં મિક્સ કરી 12 કલાક માટે પાણીમાં પલાળી રાખો.

સ્ટેપ-2

હવે એક કૂકરમાં બધા ધાનને નાખી તેમા મીઠું, પાણી અને સિંગના દાણા ઉમેરી બાફી લો.

સ્ટેપ-3

હવે બીજા એક કૂકરમાં લીલાચણા, લીલીતુવેર, અને થોડા લીલા વટાણા, થોડું મીઠું અને પાણી ઉમેરી તેને બાફી લો.

સ્ટેપ-4

હવે એક કડાઈમાં તેલ ગરમ કરી તેમાં રાઈ, તજ, તમાલપત્ર, મરી, સુકા મરચા, જીરુ, અજમો, વગેરે મસાલા ઉમેરીને સાંતળી લો.

સ્ટેપ-5

હવે તેમાં મીઠો લીમડો, બટાકુ, ગાજર, આદુ-લસણની પેસ્ટ, કાજુના ટુકડા, ટમેટા, હળદર, લાલ મરચુ, ધાણાજીરું, હિંગ, ગરમ મસાલો ઉમેરો.

સ્ટેપ-6

હવે તેમાં બાફેલા મિક્સ ધાન આમાં ઉમેરીને બરાબર પકાવી લો.

સર્વ કરો

તૈયાર છે મકરસંક્રાંતિ સ્પેશિયલ સાત ધાનનો ખીચડો, તમે સર્વ કરી શકો છો.

વાંચતા રહો

રેસીપી ગમે તો લાઈક-શેર કરજો અને આવી વધુ વાનગી માટે ગુજરાતી જાગરણ વાંચતા રહો.

Till Chikki Recipe: મકરસંક્રાંતિ માટે તલની ચીકી બનાવવાની પરફેક્ટ રેસિપી