બહાર ફરવા જાવ ત્યારે તમે અનેક વાર રગડા પેટીસ ખાધી હશે પરંતુ ક્યારેય આ ડિશ ઘરે બનાવવાની ટ્રાય કરી છે? ચાલો જાણીએ રગડા પેટીસ ઘરે બનાવવાની સૌથી સરળ રીત.
1 કપ વટાણા,2-3 ચમચી તેલ,ચપટી હિંગ,3-4 લીમડાના પાન,2 ચમચી આદુ મરચાની પેસ્ટ,1 ડુંગળી,1 ટમેટું,1 ચમચી લાલ મરચું,1 ચમચી ધાણાજીરું,સ્વાદ મુજબ મીઠું, 1/2 ચમચી હળદર,1 ચમચી ગરમ મસાલો,1 બાફેલું બટેટુ,કોથમીર.
2-3 બાફેલા બટેટા,1/2 ચમચી હળદર,સ્વાદ મુજબ મીઠું,2 ચમચી કોર્ન ફ્લોર,તળવા માટે તેલ,ગ્રીન ચટણી,ખજૂર આંબલીની ચટણી,લસણની ચટણી,ઝીણી સમારેલી ડુંગળી,સેવ.
રગડો બનાવવા માટે સૌથી પહેલા વટાણાને સવારે પાણીમાં પલાળી તેમાં 3-4 કપ પાણી નાખીને કૂકરમાં 4 સીટી સુધી બાફી લો.
હવે એક એક કડાઈમાં તેલ ગરમ કરીને તેમાં હિંગ,લીમડો,આદું મરચાની પેસ્ટ, સમારેલી ડુંગળી,ટામેટા વગેરે નાખીને વઘાર કરો અને તેને પાકવા દો. હવે તેમાં બાફેલા વટાણા અને પાણી સાથે નાખી થોડી વાર ઊકળવા દો.
તૈયાર છે રગડો તેને કોથમીરથી ગાર્નિશ કરો.
પેટીસ બનાવવા માટે એક બાફેલા બટેટાને છાલ કાઢીને છીણી તેમાં મીઠું અને હળદર થોડો કોર્ન ફ્લોર નાખીને નરમ લોટ બાંધીને એક સરખી પેટીસ બનાવી લો.
એક નોનસ્ટિક પેનમાં આ પેટીસ ગોલ્ડન બ્રાઉન અને ક્રિસ્પી થાય ત્યાં સુધી તેને ફ્રાય કરી લો.
એક પ્લેટમાં 3-4 પેટીસ મૂકી તેના ઉપર રગડો નાખો. તેના ઉપર બધી ચટણી નાખો. સેવ અને ડુંગળી નાખો. ગરમા ગરમ રગડા પેટીસ સર્વ કરો.
રેસીપી ગમે તો લાઈક-શેર કરો અને આવી વધુ રેસીપી માટે ગુજરાતી જાગરણ વાંચતા રહો.