શિયાળો શરૂ થતાં જ માર્કેટમાં મૂળા મળવા લાગ્યા છે. જેનાથી તમે અનેક પ્રકારની ડીશ બનાવી શકો છો. જેમ કે મૂળાના પરાઠા, પુરી, અથાણું અને ચટણી વગેરે...તો ચાલો આજે જાણીએ મૂળાની ટેસ્ટી ચટણી કેવી રીતે બનાવવી
1 મૂળો, મૂળાના પાન 1 કપ, લસણની 5-6 કળી, 1 ડુંગળી, 2 ટામેટા, 4 લીલા મરચા, મીઠુ સ્વાદ પ્રમાણે, 2 ચમચી સરસવનું તેલ, દોઢ ચમચી લીંબુનો રસ
મૂળાની ચટણી બનાવવા માટે સૌ પ્રથમ મૂળાને સમારીને તેને કટકા કરી દો. હવે તેના પાનને પણ સાફ કરીને ઝીણાં સમારી લો. આ સાથે જ ટામેટર અને લસણને પણ ધીમી આંચે શેકી દો.
હવે ચોપરમાં મૂળાના કાપેલા કટકા અને તેના પાનને નાંખીને એકદમ ઝીણા ચોપ કરી લો. જેથી ચટણી વધારે ટેસ્ટી બનશે. હવે તેને એક બાઉલમાં રાખી દો.
હવે ચોપરમાં ડુંગળી, ટામેટા, લસણ, લીલા મરચા વગેરે નાંખીને ચોપ કરી દો. હવે આ મિશ્રણને મૂળા અને તેના પાન વાળા બાઉલમાં નાંખીને બરાબર મિક્સ કરી દો.
હવે આ મિક્સ્ચરના બાઉલમાં સરસવનું તેલ ગરમ કરીને નાંખો. આ સાથે જ ઉપરથી લીંબુનો રસ, મીઠું વગેરે ઉમેરીને ચમચીની મદદથી હલાવીને મિક્સ કરી દો.
આ રીતે તમે પણ મૂળાની સ્વાદિષ્ટ ચટણી બનાવીને ખાઈ શકો છો. આ ચટણી ખાવામાં ટેસ્ટી હોવાની સાથે ચટપટી લાગે છે. જેને તમે ભાત, રોટલી અથવા ઢેબરા સાથે ખાઈ શકો છો.