વ્રત કે ઉપવાસ કરવાનું આવે એટલે ગૃહિણીઓને મોરૌયો યાદ આવે. મોરૈયાની ખીચડી ખાવાની મજાજ અલગ છે. આજે અમે તમને મોરૈયાની ખીચડી બનાવવી રીત જણાવીશું.
મોરૈયો,બટાકું,ઘી,જીરું,લાલ સુકુ મરચું,શીંગદાણા,મીઠું,તજ-લવિંગનો ભૂકો,દહીં.
સૌ પ્રથમ એક બાઉલમાં મોરૈયો લઈને પાણીથી ધોઈ અને 5 મિનિટ માટે પલાળી દો અને એક બટાકું ખમણી લો.
હવે એક કુકરમાં થોડું ઘી ગરમ કરી તેમાં જીરુ,મીઠા લીમડાના પાન,સુકુ લાલ મરચા,શીંગદાણા ઉમેરી સાતળી લો.
હવે તેમાં આદુ-મરચાની પેસ્ટ,ખમણેલું બટાકું,રોક મીઠું ઉમેરી મિક્સ કરીને 3 મિનિટ સુધી સાતળી લો.
હવે તેમાં તજ-લવિંગનો પાવડર અને મોરૈયાને પાણીમાંથી કાઢીને ઉમેરો. હવે 2 મિનિટ મિક્સ કરીને પકાવો.
પછી તેમા થોડું પાણી અને થોડું દહીં ઉમેરીને કૂકરનું ઢાંકણ બંધ કરી મિડિયમ ગેસ પર 4 સીટી વાગે ત્યાં સુધી પકાવી લો.
તૈયાર છે આપણી ફરાળી મોરૈયાની ખીચડી,તમે કોથમરી ગાર્નિશ કરીને સર્વ કરો.
રેસીપી ગમે તો લાઈક-શેર કરજો અને આવી વધુ રેસીપી માટે ગુજરાતી જાગરણ વાંચતા રહો.