મગની દાળની ટિક્કી બનાવવા માટે સૌ પ્રથમ દોઢ કપ આખા મગ લઈને તને પલાળીને ફણગાવો.
જે બાદ દાળને ધોઈ નાંખો અને થોડું પાણી મિક્સરમાં પીસી નાંખો. આ વાતનું ધ્યાન રાખો કે, દાળ કરકરી પીસી હોય.
દળેલી દાળને એક બાઉલમાં નાંખો અને તેમાં અડધો કપ જીણી કાપેલી ડુંગળી, બે ચમચી ઝીણા કાપેલા મરચા અને એક ચમચી કાપેલું લસણ મિક્સ કરો.
જે બાદ તેમાં પોણા કપ ઑટ્સનો લોટ મિક્સ કરો. હવે તેમાં સ્વાદ અનુસાર મીઠુ નાંખીને મિક્સ કરી લો.
હવે તૈયાર કરવામાં આવેલા આ મિશ્રણથી ગોળ આકારની ચપટી ટિક્કી બનાવીને તૈયાર કરી લો. હવે એક પેનમાં થોડું તેલ ગરમ થવા મૂકો.
આ પેનમાં ટિક્કી નાંખો અને તેને બન્ને તરફથી પીળી થાય ત્યાં સુધી શેકાવા દો. આ દરમિયાન ગેસની મધ્યમ આંચ રહે તેનું ધ્યાન રાખશો.
તમામ ટિક્કીને આ રીતે ફ્રાય કરીને ક્રિસ્પી કરી લો. આ રીતે માત્ર 10 મિનિટમાં તમારી મગ દાળની ટિક્કી બનીને તૈયાર થઈ જશે.