દરેક લોકોએ ઢોકળીનું શાક તો ખાધું જ હશે પરંતુ તમે રજવાડી ઢોકળી જેવો ટેસ્ટ નહીં મળ્યો હોય, નોંધી લો આ રેસીપી.
ચણાનો લોટ, ડુંગળી, લીલા મરચા, ટમેટા, લીંબુ, લસણ, આદુ, પાણી, તેલ, મીઠો લીમડો, રાઈ-જીરું, હળદર, મીઠું, લાલ મરચું પાઉડર,
સૌ પ્રથમ ડુંગળી, લીલા મરચા, ટમેટાને સમારી લો અને આદુ-લસણની પેસ્ટ બનાવી લો.
હવે એક તપેલામાં તેલ ગરમ કરી રાઈ-જીરું, હળદર, મીઠું, મીઠો લીમડો, પાણી વગેરે ઉમેરીને વઘાર કરો.
હવે તેમાં અજમો અને ચણાનો લોટ નાખીને મિક્સ કરી લો.
હવે એક થાળીમાં તેલ લગાવીને ઢોકળીનું તૈયાર કરેલ મિશ્રણ કાઢીને ફેલાવીને છરી વડે ટુકડા કરી લો.
હવે ફરીથી તપેલામાં તેલ ગરમ કરી તેમાં તજ, લવિંગ, તમાલપત્ર,કોકમ, એલચી, આખા લાલ મરચા, સમારેલ ડુંગળી,ટમેટા,હળદર,મીઠું, મરચું પાઉડર, આદુ લસણની પેસ્ટ ઉમેરી મિક્સ કરી ઢોકળીના ટુકડા અને થોડું પાણી નાખીને પકાવી લો.
તૈયાર છે કાઠિયાવાડી રજવાડી ઢોકળીનું શાક તમે રોટલી કે રોટલા સાથે સર્વ કરી શકો છો.
રેસીપી ગમે તો લાઈક-શેર કરજો અને આવી અવનવી રેસીપી માટે ગુજરતી જાગરણ વાંચતા રહો.