કંટોલાનું શાક માત્ર ચોમાસાની ઋતુમાં બનતું હોય છે, આજે અમે તમને દહી વાળુ કંટોલાનું શાક બનાવવાની રીત જાણીશું.
કંટોલા, દહીં,ચણાનો લોટ, મીઠું, હળદર, ધાણાજીરું, લાલ મરચું પાઉડર, જીરું,તેલ, લસણ.
સૌ પ્રથમ કંટોલાને ધોઈ ઝીણા સમારી લો.
હવે એક પેનમાં તેલ ગરમ કરી તેમાં રાઈ-જીરું, લસણ નાખીને સાંતળી લો.
હવે તેમાં કંટોલા નાખીને સાંતળો અને તેમાં હળદર, મીઠું, મરચું પાઉડર નાખીને મિક્સ કરી લો.
હવે એક વાટકામાં દહીં,ધાણાજીરું મિક્સ કરી કંટોલાના શાકમાં નાખીને થોડીવાર પકાવો.
હવે તેમાં ચણાનો લોટ અને થોડું પાણી નાખીને મિક્સ કરી 3 મિનિટ સુધી સારી રીતે પકાવી લો.
તૈયાર છે દહીં વાળા કંટોલાનું શાક, તમે ગરમા ગરમ સર્વ કરી શકો છો.
રેસીપી ગમે તો લાઈક-શેર કરજો અને આવી યુનિક રેસીપી માટે ગુજરાતી જાગરણ વાંચતા રહો.