તમે કચોરી તો ખાધી જ હશે, પરંતુ જામનગરની પ્રખ્યાત સૂકી કચરી એકદમ યુનિક હોય છે, નોંધી લો રેસીપી.
મેંદાનો લોટ, મીઠું, તેલ, નવશેકુ પાણી, ધાણાજીરું, વરિયાળી, લવિંગ, તજ, તલ, હળદર પાવડર, કાશ્મીરી લાલ મરચું, હિંગ, ગરમ મસાલો, ખાંડ, તળેલી મગની દાળ, ગાઠીયા, કાજુ, કિસમિસ, આમલીનો પલ્પ.
સૌ પ્રથમ એક બાઉલમાં મેંદાનો લોટ, મીઠું અને તેલ ઉમેરી સારી રીતે મિક્સ કરો.
હવે તેમાં થોડું થોડું પાણી ઉમેરીને મધ્યમ નરમ લોટ બાંધી પછી તેલથી ગ્રીસ કરીને લોટને 30 મિનિટ માટે સેટ થવા દો.
હવે એક પેનમાં ધાણાજીરું, જીરું, વરિયાળી, લવિંગ, તજ, સફેદ તલને હળવા શેકી લો.
હવે તમામ સામગ્રીને એક પછી એક મિક્સર જારમાં નાખી બરછટ પીસી લો.
હવે એક મિક્સિંગ બાઉલમાં હળદર, લાલ મરચું પાવડર, હિંગ, મીઠું, ગરમ મસાલો અને ખાંડ, કાજુ, કિસમિસ, તલ, વરિયાળી, આમલીની પેસ્ટ ઉમેરીને કચોરીનું સ્ટફિંગ તૈયાર કરો.
હવે લોટમાંથી લૂઓ લઈ રોટલીની જેમ રોલ આઉટ કરી તેમાં સ્ટફિંગ ભરી કચોરી બનાવીને એક કડાઈમાં તેલ ગરમ કરી ક્રિસ્પી થાય ત્યાં સુધી તળી લો.
તૈયાર છે જામનગરની પ્રખ્યાત સૂકી કચોરી, તમે સર્વ કરી શકો છો.
રેસીપી ગમે તો લાઈક-શેર કરજો અને આવી યુનિક રેસીપી માટે ગુજરાતી જાગરણ વાંચતા રહો.