ચોખા,મગની દાળ,પીળી મગની દાળ,તુવેર દાળ,પાણી,સ્વાદ પ્રમાણે મીઠું,હળદર પાવડર,ઘી,બટાકા,રીંગણ,ગાજર,લીલા વટાણા,દૂધી,ઘી : 2 ચમચી રાઈ-જીરું, સૂકું લાલ મરચું,મીઠા લીમડાના પાન,હિંગ,મગફળી,તમાલપત્ર,લવિંગ,સૂકું નાળિયેર,ટામેટા,લાલ મરચું પાવડર,ધાણાજીરુ,ગરમ મસાલો,શેકેલા જીરા,સમારેલી કોથમીર.
સૌ પ્રથમ એક બાઉલમાં દાળ-ચોખા મિક્સ કરી પાણીથી ધોઈને 10 મિનિટ પાણીમાં પલાળી દો.
હવે એક પ્રેશર કૂકરમાં પાણી ગરમ કરી તેમાં દાળ-ચોખા અને સમારેલા શાકભાજી ઉમેરીને હળદર,મીઠુ નાખીને મિક્સ કરી લો.
હવે ફૂલ ગેસ પર કૂકર મૂકી તેમાં એક ચમચી ઘી ઉમેરી ઢાંકણ બંધ કરી 5 સીટી વાગે ત્યાં સુધી પકાવો.
હવે એક બાઉલમાં એક વાટકો દહીં, થોડો ચણાનો લોટ,1 ચમચી મીઠું,લીલું મરચું, ગોળ,આદુની પેસ્ટ ઉમેરીને મિક્સ કરો.
હવે એક પેનમાં ઘી ગરમ કરી રાઈ-જીરું,લીમડાના પાન,આખા લાલ મરચા,હીંગ વગેરે મેસાલા ઉમેરીને વઘાર તૈયાર કરો.
હવે વઘારમાં તૈયાર કરેલ કઢીનું મિશ્રણ ઉમેરીને પકાવીને કોથમરીથી ગાર્નિશ કરી લો.
હવે એક નોન સ્ટીક પેનમાં બે ચમચી ઘી ગરમ કરી રાઈ-જીરું સૂકા મસાલા, કોપરાનું ખમણ,ટમેટા,મીઠું-મરચું-હળદર-ગરમ મસાલો વગેરે ઉમેરીને પકાવીને વઘાર ખીચડીમાં ઉમેરી મિક્સ કરી લો.
જલારામની કઢી ખીચડી તૈયાર છે, તમે તેને ગરમા-ગરમ સર્વ કરી શકો છો.
રેસીપી ગમે તો લાઈખ-શેર કરો અને આવી વધુ રેસીપી માટે ગુજરાતી જાગરણ વાંચતા રહો.