ઈડલીએ સાઉથ ઇન્ડિયન રેસીપી છે પણ હવે ઈડલી બ્રેકફાસ્ટમાં ખવાતી સૌને ભાવતી રેસીપી બની ગયી છે. ચોખા અને અડદ દાળથી બનતી આ રેસીપી નું પોષણમૂલ્ય ખૂબ જ સરસ છે. આને સાંભાર અને ચટણી સાથે સર્વ કરવામાં આવે છે.
3 વાટકી ચોખા,1 વાટકી અડદની દાળ,1/2 વાટકી પૌવા,2 ચમચી મેથીના દાણા,2 નંગ ગાજર,સ્વાદ મુજબ મીઠું.
ચોખા અને પૌવા ને ધોઈને એક વાસણમાં પલાળો અને બીજા વાસણમાં દાળ અને મેથીના દાણા પલાળો ત્યારબાદ બંનેને 6 કલાક સુધી પલાળી રાખો.
પલાળેલા ચોખા,પૌવા,દાળ અને મેથીના દાણાને મિક્સરમાં બારીક પીસી લો અને બંને મિશ્રણ ભેગા કરી બરાબર ફીણીને મિક્સ કરી લો. ઢાંકીને આથો આવવા માટે રાત ભર અથવા 7 થી 8 કલાક રાખો.
હવે ઈડલીના કૂકરમાં પાણી ગરમ કરવા મૂકો. ઈડલીના સ્ટેન્ડને તેલ લગાવી લો. ઈડલીના મિશ્રણમાં મીઠું ઉમેરી જોઈતું પાણી ઉમેરી મિક્સ કરો. ગાજરને ધોઈ છોલી ઝીણા ટુકડા કરો. ખીરું ઈડલી સ્ટેન્ડમાં ભરી ઉપર ગાજરના ટુકડા ઉમેરી સ્ટેન્ડને કૂકરમાં 10મિનિટ થવા દો.
કૂકર ઠંડુ થાય એટલે સ્ટેન્ડને કૂકરમાંથી કાઢી ઈડલી મોલ્ડમાંથી કાઢી લો.
હવે તમારી ઈડલી તૈયાર થઈ ગઈ છે તમે તેને ચટણી સાથે સર્વ કરો.
રેસીપી ગમે તો લાઈક-શેર કરો અને આવી વધુ રેસીપી માટે ગુજરાતી જાગરણ વાંચતા રહો.