સેન્ડવીચ ઢોકળાએ ગુજરાતી ફરસાણ છે જે દરેક ગુજરાતીને ખૂબ જ ભાવે છ, ઘણા લોકોને સેન્ડવીચ ઢોકળા ખટ્ટા મીઠા પણ પસંદ હોય છે અને તેની બનાવવાની રીત પણ બધાને અલગ અલગ હોય છે.
ખીચડીયા ચોખા,અડદની દાળ,પાણી,ચણાનો લોટ,મીઠું સ્વાદ અનુસાર,સોડા,મરી પાઉડર,તેલ,રાઈ-જીરું,હિંગ,લીલા મરચા,કોથમીર,મીઠા લીમડાના પાન,કોથમીર ફુદીનાની ચટણી.
સૌપ્રથમ ચોખા અને અડદની દાળને બરાબર બે ત્રણ પાણીથી ધોઈ તેને આખી રાત માટે પલાળી દો ત્યારબાદ તેને ક્રશ કરી ખીરું તૈયાર કરી તેને 7થી 8 કલાક માટે આથો આવવા માટે રહેવા દો.
હવે આ ખીરામાં મીઠું અને સોડા નાંખી બરાબર હલાવી તેને બે સરખા ભાગ કરી લો.
કોથમીર ફુદીનાની ચટણીમાં એક ચમચી બેસન,બે ટીપા ગ્રીન ફુડ કલર નાખી બરાબર મિક્સ તરી લો.
હવે એક ઢોકળિયામાં પાણી મૂકી ગરમ કરીને જે વાસણમાં ઢોકળા બનાવવાના છે તે વાસણને તેલથી ગ્રીસ કરી તૈયાર કરી લો.
હવે વાસણમાં નીચે ઢોકળાનું ખીરું પાથરી લો અને તેને ઢોકળીયામાં 10 મિનિટ માટે સ્ટીમ થવા દો.
હવે તેમાં તૈયાર કરેલ કોથમીર ફુદીનાની ચટણીનું મિશ્રણ પાથરીને બીજું લેયર તૈયાર કરીને 10 મિનિટ સ્ટીમ કરો.
હવે બાકી બચેલું ઢોકળાનુ ખીરુ પાથરીને ત્રીજું લેયર તૈયાર કરી ઉપરથી મરી પાઉડર છાંટીને 20 મિનિટસ્ટીમ કરો.
હવે ઢોકળા ઠંડા થાય એટલે એક પ્લેટમાં કાઢીને વઘારીયામાં તેલ ગરમ કરી તેમાં રાઈ-જીરું,હીંગ,મીઠો લીમડો વઘારીને ઢોકળા પર રેડીને ગરમા ગરમ સર્વ કરો.
રેસિપી ગમે તો લાઈક-શેર કરજો અને આવી વધુ રેસિપી માટે ગુજરાતી જાગરણ વાંચતા રહો.