ખજૂર અને આમલીની ખાટી મીઠ્ઠી ચટણી ઘણા લોકોએ ટ્રાય કરી હશે, આજે અમે ખાટી મીઠ્ઠી ચટણીની રેસીપી જણાવીશું, જે તમે ઘરે સરળતાથી બનાવી શકો છો.
ખજૂર, આમલી, વરિયાળી, ગોળ, લાલ મરચું પાવડર, જીરું પાઉડર, સંચળ, મીઠું, પાણી.
સૌ પ્રથમ એક પ્રેશર કુકરમાં ખજૂર, ગોળ અને આંબલી ઉમેરીને એમાં 1.5 કપ પાણી ઉમેરીને બધુ 4 થી 5 સીટી વાગે ત્યાં સુધી ઉકાળી લો.
હવે કુકર ઠંડુ થાય પછી ઢાંકણ ખોલીને ખજૂર અને આમલીના ઠળિયાને અલગ કરો.
હવે આ મિશ્રણને મિક્સર જારમાં નાખીને બ્લેન્ડ કરી લો.
આ મિશ્રણને એક ગરણી વડે એક બાઉલમાં ગાળી લો.
હવે તેમાં થોડુ પાણી, મીઠું, સંચળ, લાલ મરચું અને શેકેલ જીરુંનો પાઉડર ઉમેરીને બધુ બરાબર મિક્સ કરી લો.
ચટણી તૈયાર છે તેને તમે એરટાઈટ કન્ટેનરમાં ભરીને ફ્રીઝરમાં 5 થી 6 મહિના સુધી સ્ટોર કરી શકાય છે.
રેસીપી ગમે તો લાઈક-શેર કરો અને આવી વધુ રેસીપી માટે ગુજરાતી જાગરણ વાંચતા રહો.