બાજરાના લોટના મુઠીયા અને મેથીના મુઠિયા તો દરેક લોકોએ ખાધા જ હશે, પરંતુ આજે અમે તમને વધેલા ભાતમાંથી મુઠીયા બનાવવાની રીત જણાવીશું.
ભાત,ચણાનો લોટ, રવા, ઘઉંનો લોટ, લીલા મરચા, આદુ, જીરું, કોથમરી, તલ, ખાવાનો સોડા, હળદર, લાલ મરચું પાવડર, ધાણાજીરું, મીઠું, તેલ, લીંબુનો રસ.
સૌ પ્રથમ એક મોટા વાસણમાં ભોત, ચણાનો લોટ, ઘઉંનો લોટ, રવો, લીલા મરચા, આદુ, હળદર, મરચું, મીઠું અને કોથમરી ઉમેરો.
હવે તેમાં થોડું-થોડું પાણી ઉમેરીને લોટ બાંધી લો.
હવે લોટમાંથી મુઠિયા બનાવીને એક સ્ટીમરની પ્લેટમાં તેલ લગાવીને તેને 15-20 મિનિટ સુધી સ્ટીમ કરો.
મુઠીયા સ્ટીમ થઈ જાય તો તેને બહાર કાઢીને તેને ઠંડા થાય એટલે છરી વડે ટુકડા કરી લોવા દો અને એક પેનમાં તેલ ગરમ કરો.
એક પેનમાં તેલ ગરમ કરી જીરું, તલ ઉમેરીને તેને સાંતળી પછી તેમાં મુઠીયાના ટુકડા નાખીને હળવા સોનેરી થાય ત્યાં સુધી ફ્રાય કરી લો.
તૈયાર છે વધેલા ભાતના મુઠીયા, તેને કોથમીરની ચટણી અથવા ટામેટાની ચટણી સાથે સર્વ કરો.
રેસીપી ગમે તો લાઈક-શેર કરજો અને આવી યુનિક રેસીપી માટે ગુજરાતી જાગરણ વાંચતા રહો.